सेन्ट्रेल जोन भलिबलमा नेपाललाई सफलता, माल्दिभ्स पराजित

काठमाडौं (हाम्रो खेलकुद)– नेपालले माल्दिभ्समा जारी तेस्रो एभीसी सेन्ट्रल जोन भलिबल प्रतियोगितामा पहिलो सफलता प्राप्त गरेको छ । नेपालले शुक्रबार आयोजक माल्दिभ्सलाई ३–१ सेटले हराउँदै पदक जित्ने सम्भावनालाई जीवित राखेको छ ।

मालेस्थित भलिबल कोर्टमा नेपालले पहिलो सेट २३–२५ ले गुमाएको नेपालले त्यसपछि लगातार तीन सेट जितेको थियो । ५ अंकका अग्रताको वावजुद नेपालले पहिलो सेट गुमाएको थियो । त्यसपछि नेपालले दोस्रो सेट २९–२७, तेस्रो सेट ३३–३१ र चौथो सेट २५–१९ ले जित्दै सफल नतिजा निकालेको थियो । पहिलो खेलमा नेपाल तुर्केमिनिस्तानसँग २५–२०, २५–१८ र २५–२२ ले पराजित भएको हो ।

नेपाली भलिबल टोलीका पूर्व प्रशिक्षक कपिलकिशोर श्रेष्ठले टोलीले उच्च प्रदर्शन गरेको बताए । ‘लगातार अन्तर्राष्ट्रिय स्तरमा खेल्दै गएपछि टोलीको स्तरमा पनि सुधार हुन्छ । त्यो सुधार आज माल्दिभ्सविरुद्धको खेलमा देखियो,’ श्रेष्ठले भने,‘ मानबहादुर श्रेष्ठ, कप्तान इम रानाले स्तरीय प्रदर्शन गरे । अन्य खेलाडी पनि राम्रो खेले । आज विशेष गरि टोलीले ओपन स्पाइक राम्रो गरेको छ ।’

श्रेष्ठले अझै टोलीमा सुधार हुन सक्ने विश्वास व्यक्त गरे । उनले भने,‘ हामीले तयारीमा अझै ध्यान पु¥याउन सक्ने हो भने यो भन्दा राम्रो गर्न सकिन्छ । हाम्रा खेलाडीमा यो भन्दा पनि उत्कृष्ट प्रदर्शन गर्ने क्षमता छ ।’ गत डिसेम्बरमा बंगलदेशमा भएको सेन्ट्रल जोनमा नेपालले लिग चरणको खेलमा माल्दिभ्सलाई हराएको थियो भने तेस्रो स्थानको खेलमा सोही टोलीसँग पराजित भएको थियो ।

अब लिग चरणको अन्तिम खेलमा सोमबार कीर्गिस्तानसँग प्रतिस्पर्धा गर्नेछ । यसपटकको प्रतियोगितामा चार टोलीको सहभागिता रहेको छ । चौथो पटक आयोजना भएको सेन्ट्रेल जोनमा नेपालको यो दोस्रो सहभागिता हो । बंगलादेशमा आयोजना भएको पछिल्ला दुई संस्करणमा नेपाल सेमिफाइनलमा पुगेको थियो ।

सेन्ट्रेल जोन भलिबलमा नेपाललाई सफलता, माल्दिभ्स पराजित

Latest News

Popular News

Featured

काठमाडौं गुर्खाजको जर्सी सार्वजनिक, बिवाइडी मुख्य प्रायोजक

धनगढीमा सुदूरपश्चिम रोयल्सको ट्यालेन्ट हन्ट सम्पन्न

बुमराह अस्ट्रेलियासँगको पहिलो टेस्टमा कप्तान बन्दै

चर्चित खेलहरु:

उपयोगी लिङ्कहरू

सम्पर्क

सामाजिक संजाल