काठमाडौं (हाम्रो खेलकुद) – बंगलादेशका ग्रान्डमास्टर जीआउर रहमानले एसियन जोनल ३.२ चेस प्रतियोगिताको चौथो चरणको समाप्तीमा एकल अग्रता लिएका छन् । नेकोस चेस बुद्धीचाल संघ र नेकोस चेस एकेडेमी क्लबको संयुक्त आयोजनामा जारी प्रतियोगितामा बुधबार चौथो चरणको समाप्तीमा जीआउरले ३.५ अंक बटुलेका छन् । उनले चौथो चरणमा बंगलादेशका ग्रान्डमास्टर हुसेन एनामुएललाई हराए ।

नेपालका पूर्व राष्ट्रिय च्याम्पियन केशब श्रेष्ठले ३ अंक जोडेका छन् । उनले चौथो चरणमा श्रीलंकाका कालु गाम्मीटीया आरएसलाई हराए । हिमाल लामा, बंगलादेशका अन्तराष्ट्रिय मास्टर अबु समियन सकिल र भगवती प्रशाद शर्माको समान २ अंक छ । हिमालले क्षितिज भण्डारी, सकिलले बद्रीलाल नेपाली तथा भवगतीले सजिन मर्हजनलाई हराए ।

महिला तर्फ डक्लुआइएम हमिद रानी लागातार चौथो जित हात पार्र्दै शीर्षस्थानमा रहेकी छिन् । उनले बुधबार सरमिन समिहा समिमीलाई हराइन् । डब्लु आइएम समिमा अख्तरलाई तीन अंक सहित उनलाई पछ्याइरहेकी छिन् । उनले चौथो चरणमा श्रीलंकाकी साउमी जैनेबलाई पराजित गरिन् ।

बंगलादेशका नजराना खान र सुल्ताना सरमिन सिरिनबीचको खेल बराबरीमा टुंगियो । उनीहरुको समान २.५ अंक छ । अन्य खेलमा बंगलादेशकी मोहमुदा हम चौधरीले सबिना श्रेष्ठलाई ,मतीना कुसीले सिन्दीरा जोशी तथा शान्ता थापाले पुनम प्रसाइलाई हराइन् ।