8 years ago
March 19, 2017
काठमाडौं (हाम्रो खेलकुद)– नेपालले माल्दिभ्समा आयोजना हुने एबिसी सेन्ट्रल जोन भलिब च्याम्पियनसिपमा भाग लिने भएको छ । टोली सोमबार माल्दिभ्स प्रस्थान गर्नेछ । बुधबार सुरु हुने च्याम्पियनसिपमा आयोजक बंगलादेश र कीर्गिस्तानको सहभागिता रहेको छ । नेपाली टोलीलाई युवा तथा खेलकुद मन्त्री दलजित श्रीपालीले विदाई गरेका थिए । उनले टोलीका कप्तान इम राना मगरलाई राष्ट्रिय झन्डा हस्तान्तर गरेका थिए ।
मार्च २३ मा तुर्कमेनिस्तानसँग खेल्दै नेपालले च्याम्पियनसिपका यात्रा सुरु गर्नेछ । यस्तै मार्च २४ मा आयोजक माल्दिभ्स र मार्च २७ मा कीर्गिस्तानसँग प्रतिस्पर्धा गर्नेछ । सेटर इमको नेतृत्वमा टोलीमा मानबहादुर श्रेष्ठ, धनबहादुर भट्ट, कुलबहादुर थापा र दिल सुनार ओपन स्पाइकर छन् ।
यस्तै क्वीक स्पाइकरमा महेन्द्र श्रेष्ठ, भैरव बम र हरि अधिकारी रहेका छन् । साइड स्पाइकरमा नरेन्द्र गिरी, राजकुमार निरौला छन् भने सेटरमा दुर्गाप्रसाद महतो र लिबेरोमा ईश्वर थापा मगर छन् । टोलीमा चार खेलाडी पहिलो पटक राष्ट्रिय टोलीमा परेका हुन् । त्यसमा ओपन स्पाइकर दिल सुनार, क्वीक स्पाइकर हरि अधिकारी, सेटर दुर्गाप्रसाद महतो र साइड स्पाइकर राजकुमार निरौला छन् । दिल, हरि, दुर्गा नेपाल आर्मीका खेलाडी हुन् भने राजकुमार एपिएफका खेलाडी हुन् ।
वीरेन्द्र चौधरी टोलीका मुख्य र जगदिश भट्ट सहायक प्रशिक्षक रहेका छन् । टोलीका व्यवस्थापकमा नेपाल भलिबल संघका सचिव डम्बरबहादुर नेपाली रहेका छन् । टोलीसँगै अन्तर्राष्ट्रिय रेफ्री क्यान्टिडेट चन्द्रा बदना राई टोलीसँगै जानेछिन् । चौथो पटक आयोजना भएको सेन्ट्रेल जोनमा नेपालको यो दोस्रो सहभागिता हो । बंगलादेशमा आयोजना भएको पछिल्ला दुई संस्करणमा नेपाल सेमिफाइनलमा पुगेको थियो ।
अब होटलमा विदाई हुँदैन – मन्त्री श्रीपाली
युवा तथा खेलकुद मन्त्री दलजित श्रीपालीले अब आफु कुनै पनि टोलीको विदाईका लागि होटल नजाने बताएका छन् । सेन्ट्रल जोनमा जाने भलिबल टोलीको विदाई कार्यक्रममा उनले भने,‘ अब कुनै पनि होटलमा गएर म टोलीको विदाई गर्दिन । अब यस्ता टोलीलाई म मन्त्रालयबाटै विदाई गर्छु । त्यसो हुँदा सरकारले तपाईहरुको सहभागितालाई मान्यता दिएको अर्थ लाग्नेछ ।’
नाम नलिन मन्त्री श्रीपाली घुमारो पारामा राष्ट्रिय खेलकुद परिषद् (राखेप) का सदस्य सचिव केशवकुमार विष्टको कार्यशैलीको आलोचना पनि गरे । ‘मैले सुरुआतबाट खेललाई गतिशिल बनाउन र प्रभावकारी बनाउन कार्यनीतिहरु माग गरिरहेको छु,’ उनले भने,‘ तर सम्बन्धित निकायबाट केही काम भएको छैन ।’
भलिबल संघका उपाध्यक्ष यामबहादुर गुरुङले यो बर्ष नेपाली महिला र पुरुष टोलीले तीनवटा अन्तर्राष्ट्रिय प्रतियोगितामा भाग लिदा पनि सरकारको लगानी नहुनु दुःखद भएको बताए । संघका महासचिव जितेन्द्रबहादुर चन्दले सरकारले टोलीको सहभागितामा आधा मात्रै खर्च गरिदिए पनि संघ खुसी हुने बताए ।
March 26, 2025
एजेन्सी – ब्राजिललाई फिफा विश्वकप २०२६ को दक्षिण अमेरिकी छनोटमा पराजित गर्दै साविक विजेता अर्जेन्टिनाले विश्वकपमा स्थान बनाएको छ । बुधवार बिहान भएको खेलमा अर्जेन्टिनाले ब्राजिलमाथि ४-१ को जित हासिल गर्यो । घरेलु मैदानमा भएको खेलमा अर्जेन्टिनाको जितमा जुलियन अल्भारेज, एन्जो फर्नान्डेज, एलेक्स म्याक्स एलेस्टर र जिलियन सिमिवनले गोल गरे । भने, पाहुना टोली ब्राजिलका […]
March 26, 2025
एजेन्सी – पञ्जाब किंग्सले इण्डियन प्रिमियर लिग(आइपिएल) मा विजयी सुरुवात गरेको छ। श्रेयस अय्यरको कप्तानी इनिङमा पञ्जाबले गुजरात टाइटन्सलाई ११ रनले हराउँदै सफल सुरुवात गरेको छ ।२ सय ४४ रनको लक्ष्य पछ्याएको गुजरात ५ विकेटको नोक्सानीमा २ सय ३२ रन बनाउन सक्यो । टप अडरले सुरुवात राम्रो दिलाए पनि मध्यक्रमले त्यसलाई अघि बढाउन सकेन। साई सुदर्शन […]
March 25, 2025
काठमाडौं (हाम्रो खेलकुद) – नेपाली राष्ट्रिय फुटबल टोलीले एएफसी एसियन कप छनोटको समूह चरण अन्तर्गत पहिलो खेलमा मलेसियासँग २-० को हार बेहोर्यो । मलेसियाको जोहोर बारूस्थित सुल्तान इब्राहिम रंगशालामा नेपाल २-० ले पराजित भएको हो । पहिलो हाफमा १-० को अग्रता लिएको मलेसियाले दोस्रो हाफमा अर्को गोल थपेको थियो । मलेसियाका लागि पहिलो हाफमा हेक्टर […]
