काठमाडौं (हाम्रो खेलकुद) – एसियन जोनल चेस च्याम्पियनसिप शनिबारबाट काठमाडौंमा शुरु हुने भएको छ । नेपाल बुद्धिचाल संघको आयोजनामा विश्व चेस महासंघ (फिडे) को आधिकारिक प्रतियोगिताको रूपमा रहेको विश्वकप चेसको छनोट प्रतियोगिता एशियन जोनल ३.२ चेस च्याम्पियनसिप चैत १५ गतेसम्म सञ्चालन हुने आयोजकले जानकारी गरायो ।

च्याम्पियनसिप कान्तिपथस्थित होटल यलो प्यागोडामा हुनेछ । च्याम्पियनसिपमा एशियन जोनल ३।२ मा पर्ने दक्षिण एशियाका ६ राष्ट्रहरू नेपाल, बगंलादेश, भुटान, माल्दिभ्स, श्रीलकां र पाकिस्तान सहभागी हुनेछन् । प्रतियोगितामा नेपालबाट महिला र पुरूषतर्फ शीर्ष १० औं वरियता प्राप्त र पूर्वाञ्चलमा सम्पन्न सातौं राष्ट्रिय खेलकुदमा शीर्ष १० मा परेका खेलाडीहरूले सहभागिता जनाउन पाउनेछन् ।

स्विस लिग अनुसार सन्चालन हुने प्रतियोगीता सञ्चालनको लागि प्रमुख आर्विटरको रूपमा भारतका अन्तर्राष्ट्रिय आर्विटर धर्मेन्द्र कुमार आउनेछन् । च्याम्पियनसिपको विजेताले फिडे वल्र्ड चेस च्याम्पियनसिप साईकल २०१६/२०१८ अन्तर्गत आगामी सेप्टेम्बर २ देखि २८ तारिखसम्म जर्जियामा हुने फिडे वल्ड कपमा सहभागिता जनाउन पाउनेछन् । खुल्लातर्फको विजेता १५ सय अमेरिकी ठलर प्राप्त गर्नेछन् ।

दोस्रो हुनेले एक हजार तथा तेस्रो हुनेले पाँच सय अमेरिकी डलर प्राप्त गर्नेछन् । त्यस्तै महिलातर्फको विजेताले अन्तर्राष्ट्रिय मास्टर ९आइएम० को उपाधि प्राप्त गर्नेछन् । यसैगरी ९ खेलबाट ६४ प्रतिशत अकं ल्याउने खेलाडीले फिडे मास्टर ९एफएम० र ५० प्रतिशत अकं प्राप्त गर्नेले क्यान्डिडेट मास्टर ९सिएम०को उपाधि जित्नेछन् ।

एशियन जोनल ३।२ चेस च्याम्पियनसिप नेपालमा दोस्रो पटक आयोजना हुन लागेको हो । यसअघि २०७१ सालमा पनि नेपालमा यो च्याम्पियनसिप आयोजना भएको थियो ।क रिब ३० लाख खर्च लाग्ने प्रतियोगीता सन्चालन गर्न एशियन चेस फेडेरेसनले ५ हजार डलर उपलब्ध गराएको प्रतियोगिता संयोजक नारायण दासले जानकारी दिए ।