कुश्मा (हाम्रो खेलकुद) – तीन विभागिय टोली र न्यू डाइमन्ड प्रथम दिदिवहिनी कप महिला भलिबल प्रतियोगिताको सेमिफाइनलपुगेका छन् । पर्वतको कुस्मामा सञ्चचालित नवौँ पश्चिमाञ्चल महोत्सब अन्र्तगत भएको महिला भलिबलमा बिहीबार लिग चरणपछि समूह ‘ए’बाट नेपाल एपीएफ क्लब विजेता र नेपाल पुलिस क्लब उपविजेता बनेका छन् ।

त्यस्तै समूह ‘बी’ बाट न्यूडायमण्ड विजेता र त्रिभुवन आर्मी क्लब उपविजेताका रुपमा अन्तिम चारमा पुगेका हुन् । सेमिफाइनमा एपिएफले अर्को विभागिय टोली आर्मी तथा न्युडायमन्डले पुलिसको सामना गर्नेछ । एपिएफ समूहका दुवै खेल जितेर ६ अंकसहित विजेता बनेको हो ।

एपिएफसँग हारेको पुलिसले आयोजक दिदिबहिनी रेडियोमाथि जित हासिल गर्दै अघि बढेको हो । एपीएफसँग २५–४,२५–६ र २५–६ ले पराजित रेडियो दिदिबिहीनीले पुलिससँगको खेल २५–१२,२५–१४र २५–१२ को सोझो सेटमा गुमाएको थियो ।

अर्को समूहमा न्युडायमन्डले पश्चिमाञ्चल क्षेत्रिय भलिबबल संघलाई २५–९,२५–१३ र २५–८ लाई र आर्मीलाई २५–१४,२५–१२ र २५–२१ ले हराएको थियो । आर्मीले पश्चिमाञ्चललाई २४–२६,२५–२०,२५–२२,२३–२५ र १५–११ ले हरायो । सेमिफाइनल र फाइनल शुक्रबार हुनेछ ।

प्रतियोगीताको विजेताले उपाधिसहित १ लाख र दोस्रो हुने टोलीले ६० हजार रुपैयाँ प्राप्त गर्नेछन् । तेस्रो हुने टोलीले ३० हजार रुपैयाँ पाउनेछ । ब्यक्तिगत विधातर्फ स्पाकर,सेटर,डिफेन्स,क्वीकर,ब्लकरले समान ३ तथा सर्बोत्कृष्ट खेलाडीले ५ हजार रुपैया प्राप्त गर्नेछन् ।