एपिएफ र पुलिस प्रधानमन्त्री कप महिला भलिबलको सेमिफाइनलमा

नेपालगन्ज (हाम्रो खेलकुद) – दुई विभागिय टोली नेपाल पुलिस क्लब र नेपाल एपिएफ क्लब प्रधानमन्त्री कप चौथो इन्डो–नेपाल महिला भलिबल प्रतियोगिताको सेमिफाइनल पुगेका छन् । पुलिसले आयोजक मध्य पश्चिमाञ्चललाई र एपिएफले अर्को विभागिय टोली त्रिभुवन आर्मी क्लबलाई समान ३–० ले हराउँदै अन्तिम चारको यात्रा तय गरेको थियो ।

एपिएफले आर्मीलाई २५–५, २५–८ र २५–९ ले हरायो । समूह चरणको पहिलो खेलमा साविक विजेता भारतीय रेलवेसंग सोझो सेटमा पराजित भएको पुलिसले मध्यमश्चिमाञ्चललाई २५–११, २५–८ र २५–१८ ले पराजित गरेको थियो । एपीएफ समूह ‘ख’ को समूह विजेता बन्यो भने आर्मी समूह उपविजेताका रुपमा अन्तिम चारमा पुगेको छ ।

भारतको रेलवे समूह ‘क’ मा सबै खेल जित्दै विजेताको रुपमा सेमिफायनल पुग्दा पुलिस उपविजेता बन्दै अघि बढेको छ । भारतको अर्को टोली बर्षात एसोसिएसन र आयोजक मध्यपश्चिमाञ्चल दुवै खेलमा पराजित हुँदै प्रतियोगितबाट बहिरिएका छन् । अब सेमिफाइनलमा रेलवेले आर्मी र एपिएफले पुलिसको सामना गर्नेछ ।

भोलिको सेमिफाइनमा खेलहरु: रेल्वे बिरुद्द आर्मी (पहिलो खेल), एपीएफ बिरुद्द नेपाल पुलिस (दोस्रो खेल)