सुमन अधिकारी, बुटवल

बुटवलमा ११ औं अन्तर प्रदेशस्तरीय बुटवलश्री शारीरिक सुगठन प्रतियोगिता शनिवार हुने भएको छ ।

लुम्बिनी शारीरिक सुगठन तथा फिटनेश संघको आयोजनामा हुने प्रतियोगिताको तयारी पूरा भएको बिहीबार बुटवलमा पत्रकार सम्मेलनमार्फत जनाइएको छ ।

संघका अध्यक्ष सितु श्रेष्ठले शारीरिक सुगठनका खेलाडीहरुलाई प्लेटफर्म दिने उद्देश्यका साथ आयोजना गरिने प्रतियोगितामा ५ वटा प्रदेशका खेलाडीहले भाग लिने बताएका छन् ।

जिल्लास्तरबाट सुरु गरिएको बुटवलश्री ११ औं संस्करणबाट प्रदेशस्तरीय बनाइएको रुपन्देही जिल्ला शारीरिक सुगठन तथा फिटनेश संघका अध्यक्ष राजकुमार श्रेष्ठले बताएका छन् ।

प्रतियोगितामा लुम्बिनी, गण्डकी, सुदूरपश्चिम , कर्णाली तथा मधेश प्रदेशका जिम, क्लब, संघ संस्थाका १ सय ५० भन्दा बढि खेलाडीले प्रतिस्पर्धा गर्नेछन् ।

प्रतियोगितामा पुरुष शारीरिक सुगठन ५५, ६०, ६५, ७० र ७० केजी भन्दा बढि तौल समुह गरि ५ तौल समुह र महिला तर्फ खुल्ला फिजिक्स विधा समावेश गरिएको छ ।

प्रत्येक तौल समूहमा विजेता ५ खेलाडीले ओभरअल प्रतिस्पर्धामा गर्नेछन् । त्यसबाट ११ औं बुटवलश्रीको ओभरअल विजेता टुंगो लाग्नेछ ।

ओभरअल विजेताले बुटवलश्री ट्रफीसहित १ लाख रुपैयाँ प्राप्त गर्नेछन् । हरेक तौल समूहको विजेताले १० , दोस्रोले ८ र तेस्रोले ५ हजार रुपैयाँ प्राप्त गर्नेछन्।

महिलातर्फको विजेताले ट्रफीसहित २० , दोस्रोले १० र तस्रोले ५ हजार रुपैयाँ प्राप्त गर्नेछन् ।

अहिले सम्म रुपन्देही बुटवलश्रीका विजेता

वर्ष/विजेता
२०६५ – विकास चौधरी
२०६८ – शेर बहादुर खाम्चा
२०७० – विनोद बज्राचार्य
२०७२ – विजेन्द्रमान श्रेष्ठ
२०७३ – तारा थापा
२०७४ – तारा थापा
२०७५ – चन्द्रमान श्रेष्ठ
२०७५ – विनोद सुनार
२०७६ – कृष्ण कुमार श्रेष्ठ
२०७९ – कृष्ण कुमार श्रेष्ठ