टाइगर कप भलिबल – आर्मी र भारतको सुनिल क्लबको खेल स्थगित

काठमाडौं(हाम्रो खेलकुद) – एनसेल पाँचौं टाइगर कप भलिबल प्रतियोगिताअन्तर्गत त्रिभुवन आर्मी क्लब र भारतको सुनिल भलिबल क्लबको बिचको खेल स्थगित भएको छ ।

पोखरा रंगशालास्थित भलिबल कोर्टमा भएको खेल खराब प्रकाशका कारण खेल स्थगित गरिएको हो । पहिलो सेट पहिलो सेट २५–२३ र दोस्रो सेट २५–२१ ले आफ्नो पक्षमा पारेको भारतीय क्लबले तेस्रो सेट १८–२५ ले गुमाएको थियो ।

त्यसपछि खराब प्रकाशका कारण खेल स्थगित भएको थियो । अब आर्मी र सुनिल भलिबल क्लबबिचको खेल बिहीबार हुनेछ । यसअघि स्थगित भएको टिपटप हेल्प नेपाल स्पोर्ट्स क्लब र गण्डकी प्रदेशबिचको खेल पनि बिहीवार नै हुने तालिका छ । दुवै खेल पहिलो सेटबाट नै सुरु हुनेछ ।

आजै भएको महिला तर्फको पहिलो खेलमा ट्राभल इन्क्वारी युनाइटेड क्लबले त्रिभुवन आर्मीलाई ३–० पराजित गरेको थियो । महिलातर्फको दोस्रो खेलमा नेपाल एपिएफले आयोजक टाइगर ग्रुपलाई ३–० को सेटमा पराजित थियो ।

आजै भएको पुरुषतर्फ पहिलो खेलमा टिपटप हेल्प नेपाल स्पोर्ट्स क्लबसँग पराजित हुँदै एपिएफ प्रतियोगिताबाट बाहिरिएको थियो ।