14 hours ago
January 27, 2025
काठमाडौं(हाम्रो खेलकुद) – विभागीय टोली एपिएफ क्लबले एनसेल पाँचौ टाइगर कप भलिबलको महिलातर्फ लगातार दोस्रो खेल जितेको छ ।
पोखरा रंगशालास्थित भलिबल कोर्टमा आइतवारको पहिलो खेलमा एपिएफले टिप टप न्यु डायमण्ड स्पोर्टस क्लबलाई सोझो सेटमा पराजित गरेको छ ।
एपिएफले डायमण्डलाई २५-२२, २५-२३ र २५-२१ को सेटमा पराजित गर्यो । आजबाट प्रतियोगितामा लिग चरणका खेलहरु सुरु भएको छ ।
सबै टोलीले एकएक खेल खेलेपछि अहिले जित्ने र हार्नेे टोलीको छुट्टाछुट्टै समूह बनेका छन् । ती समूहअन्तर्गत लिग खेल हुनेछ । एउटै समूहमा रहने टोलीले एकअर्कासँग खेल्नेछन् ।
आजै दोस्रो खेल महिलातर्फ हार्ने समूहका ट्राभल इन्क्वारी युनाइटेड प्यासन भलिबल क्लब थाइल्यान्ड र नेपाल पुलिस क्लबले खेल्नेछन् । तेस्रो खेल पुरुषतर्फ जित्ने समूहका भारतको सुनिल भलिबल क्लब र नेपाल पुलिस क्लबले प्रतिस्पर्धा गर्नेछन् ।
आइतवारको अन्तिम तथा चौथो खेल पुरुषतर्फ हार्ने समूह’का गण्डकी प्रदेश र टिपटप हेल्प नेपाल स्पोटर्स क्लबबिच हुनेछ । लिगपछि जित्ने समूहबाट शीर्ष दुई टोली फाइलन प्रवेशका लागि पहिलो क्वालिफायर खेल्नेछन् । तेस्रो स्थानमा रहने र हार्ने समूहबाट शीर्ष स्थानमा रहने टोलीले एलिमिनेटरमा भिड्नेछन् ।
पहिलो क्वालिफायरमा पराजित हुने टोली र एलिमिनेटरमा विजेता हुने टोलीले दोस्रो क्वालिफायर खेल्नेछ ।
हार्ने समूहबाट दोस्रो र तेस्रो स्थानमा रहने टोली प्रतियोगिताबाट बाहिरिनेछन् । टाइगर ग्रुप अफ पोखराको आयोजनामा भएको प्रतियोगिता माघ १९ गतेसम्म चल्नेछ ।
January 27, 2025
सुशील पन्त क्षेत्री, चितवन पुनरागमन जित निकाल्दै प्याराडाइज युथ क्लब मिन्नानो राइजिङ भरतपुर गोल्डकपको सेमिफाइनलमा प्रवेश गरेको छ । नेपाल प्रहरी शिक्षालय भरतपुर तालिम केन्द्रको मैदानमा सोमवार गैंडाकोट फुटबल क्लबलाई टाइब्रेकरमा ४-३ ले हराउँदै प्याराडाइज अन्तिम चरणमा पुगेको हो।त्यस अघि निर्धारित समयको खेल १-१ गोलको बराबरीमा सकिएको थियो । खेलमा अग्रता भने गैंडाकोटले लिएको थियो […]
January 27, 2025
काठमाडौं (हाम्रो खेलकुद)- एकपटक फेरि सानदार कमब्याक गर्दै काठमान्डौ माभरिक्स केबी साम नेपाल कबड्डी लिग (एनकेएल) को दोस्रो क्वालिफायरमा प्रवेश गरेको छ। आज भएको इलिमिनेटरमा काठमाडौंले धनगढी वाइल्ड क्याट्सलाई ५०-४५ को स्कोरमा माथ दियो। काठमाडौंको यो जितमा पनि कप्तान घनश्याम रोक्का मगरको प्रदर्शन अब्बल रह्यो। त्रिपुरेश्वरस्थित राष्ट्रिय खेलकुद परिषद्को कभर्ड हलमा भएको इलिमिनेटर नाटकीय बन्यो। […]
January 27, 2025
काठमाडौं (हाम्रो खेलकुद)- मच्छिन्द्र क्लबलाई सडन डेथमा हराउँदै संकटा क्लब सभापति कप फुटबल प्रतियोगिताको प्रवेश गरेको छ। त्रिपुरेश्वरस्थित दशरथ रंगशालामा भएको खेलको टाइब्रेकरमा ४-४ को बराबरी पछि सडन डेथमा संकटाले बाजी मारेको थियो। समग्रमा संकटा ८–७ को रोमाञ्चक जित निकाल्न सफल रहेको थियो। निर्धारित ९० मिनेटको खेल गोलरहित बराबरीमा समाप्त भएपछि खेल सिधै पेनाल्टी सुटआउटमा […]
