जनकपुर नाइट्सको दोस्रो जित

काठमाडौं (हाम्रो खेलकुद)- जनकपुर नाइट्सले
केबी साम नेपाल कबड्डी लिग (एनकेएल) मा लगातार दाेस्राे जित हासिल गरेकाे छ।

त्रिपुरेश्वस्थित राष्ट्रिय खेलकुद परिषद्काे कभर्डहलमा साेमवार भएकाे खेलमा जनकपुरले धनगढी वाइल्ड क्याट्सलाई ३७-३१ काे स्काेरमा पराजित गरेकाे हाे।

जितसँगै जनकपुरले ५ अंक जोडेको छ। यो सँगै जनकपुरको दुई खेलमा १० अंक भएको छ। धनगढीले १ अंक जोडेको छ।

पहिलो खेलमा जनकपुरले हिमालयन रेइडर्सलाई ३५-२४ ले हराएको थियो। धनगढी भने पहिलो खेलमा विराटनगर ब्यान्डिट्ससँग ४६-३४ ले पराजित भएको थियो।

जनकपुरले रेडबाट २४, ट्याकलबाट ९ अलआउटबाट चार र बोनस पोइन्टबाट ६ अंक जोडेको हो। धनगढीले रेडबाट २७, ट्याकलबाट चार र बोनसबाट ११ अंक जोड्यो।

सुरुआती समयमा धनगढीले पनि जनकपुरलाई दबाबमा राखेको थियो। तर, ट्याकलमा कमजोर हुँदा धनगढी पहिलो हाफमै दुईपल्ट अलआउट भयो ।

जनकपुरले भने ट्याकलमा सानदार प्रदर्शन गर्दै ६ अंक जोड्यो। धनगढीले भने २ अंक मात्रै जोड्न सकेको थियो।

Latest News