सुकुटे/सिन्धुपाल्चोक (हाम्रो खेलकुद)- नेपाल पुलिस क्लब र एपिएफ क्लबको जोडी आठौं राष्ट्रिय बिच भलिबल प्रतियोगिताको फाइनलमा पुगेको छ।

एपिएफ बलिराम चौधरी र रमेश विकको जोडीले
आर्मी क्लबकाका टिकराज तामाङ र सूर्य परियारको जोडीलाई २१-१६,२१-११ ले हराउँदै फाइनल पुगेको हो ।

सिन्धुपाल्चोकको चौतारा सागाँ चोकगढी नगरपालिकाको‌ सुकुटेस्थित भोटेकोशी बिच रिसोर्टमा शुक्रवार पुलिसका चन्द्र कुवँर र सफल विकको जोडीको कडा प्रतिस्पर्धाबीच एपिएफका महेन्द्र श्रेष्ठ र राजकुमार निरौलाको जोडीलाई हरायो ।

चन्द्र र सफलको जोडी ८-२१, २१-१६, १५-१० ले विजयी भयो। तेस्रो स्थान र फाइनल शनिवार हुनेछ।

फाइनलमा पुलिसकै दुई जोडी

पुलिसका दुई जोडी सातौं राष्ट्रिय बिच भलिबल प्रतियोगिताको उपाधिका लागि भिड्ने भएका छन्।
पुलिसको दुवै टोलीले शुक्रवार सेमिफाइनलमा एपिएफ क्लबको जोडीलाई हराएको हो ।

काभा महिला बिच भलिबलको स्वर्ण पदक विजेता जोडी कमला पुन र मनिषा चौधरीको एपिएफ क्लबका रस्मिता दुरा र जस्ना महतोको जोडीलाई २२-९, २१-५ ले हराउँदै उपाधि नजिक पुगेको हो।

कमला र मनिषाको साउनमा भुटानमा भएको काभा बिचमा च्याम्पियन बनेको थियो। जोडी सेमिफाइनल पुगेको छ ।

पुनम चन्द र कामना विष्टको जोडीले एपिएफका निरुता ठगुन्ना र नेविका चौधरीको जोडीलाई २२-२०,२१-१७ ले हराउँदै आफ्नै क्लबको जोडीसँगको भेट पक्का गरेको छ। तेस्रो स्थान र फाइनल शनिवार हुनेछ।

नेपाल भलिबल संघको वार्षिक कार्यक्रममा रहेको च्याम्पियनसिपलाई जिल्ला भलिबल संघ सिन्धुपाल्चोक र सिन्धु सुकुटे पर्यटन व्यवसायी संघले आयोजना गरेको हो।