सुमन अधिकारी, बुटवल

एभरेष्ट बोर्डिङ स्कुलले तेस्रो रुपन्देही जिल्लास्तरीय छात्रा भलिबल प्रतियोगिताको उपाधि जितेको छ ।

न्यु होराइजन स्पोर्टस क्लब बुटवलले आयोजना गरेको
प्रतियोगिताको बिहीवार भएको फाइनलमा न्यु होराइजन स्कुललाई ३-१ सेटले हराउँदै एभरेष्टले उपाधि जितेको हो।

उपाधिसंगै एभरेष्टले ४० हजार र न्यु होराइजनले २५ हजार रुपैयाँ पायो । तेस्रो भएको कुवरवर्ती बोर्डिङ स्कुलले हुँदै १५ हजार र चौथो टोली कालिका मानव ज्ञान माविले चौथो बन्दै नगद १० हजार रुपैयाँ प्राप्त गर्यो ।

विजेता एभरेष्टकी मिना सुनार सर्वोत्कृष्ट खेलाडी तथा एभरेष्टका प्रशिक्षक अर्जुन घिमिरे उत्कृष्ट प्रशिक्षक घोषित भए ।

कालिका मानवज्ञानकी भिषा खत्री उत्कृट डिफेन्स, न्यु होराइजनकी एलिना झेडी उत्कृष्ट सर्भर, होराइजनकै प्रतिभा चौधरी उत्कृष्ट सेटर, कुवरवर्तीकी रिचा थापा उत्कृष्ट स्पाइकर, न्यु होराइजनकी ममता परियार उत्कृष्ट ब्लकर चुनिए ।

विजेता तथा उपविजेता टोलीका खेलाडीलाई बुटवल उपमहानगरपालिकाका उपप्रमुख सावित्रा देवी अर्याल, न्यु होराजन स्कुल तथा क्लबका संरक्षक लोकनाथ उपाध्याय, क्लबका अध्यक्ष चेतन बहादुर उचै ठकुरीले पुरस्कृत गरे ।

न्यु होराइजन स्कुलको संरक्षकत्वमा माघ १ गते सुरु भएको प्रतियोगितामा १२ टोलीकि सहभागिता रहेको खेल संयोजक मिलन रानाले जानकारी दिए । प्रतियोगिताको पहिलो संस्करणको उपाधि एभरेष्ट र दोस्रो न्यु होराइजन माविले जितेका थियो।