काठमाडौं(हाम्रो खेलकुद) – बुटवलमा जारी मदन भण्डारी गोल्डकप इन्डो–नेपाल रनिङ शिल्ड पुरुष भलिबल च्याम्पियनसिप–२०८१ को चौथो दिन शनिवार,नेपाल पुलिस क्लब त्रिभुवन आर्मी क्लब र भारतको गुजरात भलिबल‌ एसोसिएसन विजयी भएका छ ।

गुजरातले नेपाल एपिएफ क्लबलाई ३-१ सेटमा पराजित गरेको छ । एपिएफले पहिलो सेट २५-२१ ले जिते पनि लगातार तीन सेटमा हार बेहोर्दै खेल गुमाउन पुग्यो ।एपिएफले १८-२५, १५-२५ र १८-२५ ले लगातार तीन सेट गुमाएको थियो ।

आजै भएको दिनको पहिलो खेलमा नेपाल पुलिस क्लबले मणिमुकुन्द भलिबल क्लबलाई ३-१ ले पराजित गर्यो ।

पहिलो सेट २५-१५ ले जितेको पुलिसले दोस्रो सेट २०-२५ ले गुमाएको थियो । त्यसपछिका दुई सेटमा २५-२० र २५-१८ को जितका साथ पुलिसले खेल आफ्नो पक्षमा पार्यो ।

शनिवारको अन्तिम खेलमा त्रिभुवन आर्मी क्लबले गलकोट भलिबल क्लबलाई पराजित गर्यो । गलकोटमाथि आर्मीले ३-० को सोझो सेटमा जित हात पार्यो । आर्मीले २५-२१, २५-२३ र २५-१९ ले आफ्नो पक्षमा ल्यायो ।

पुस २४ गतेसम्म सञ्चालन भएको प्रतियोगितामा नेपाल र भारतका ८ टिमको सहभागिता छ । प्रतियोगिताको विजेताले ७ लाख ५० हजार, दोस्रो टोलीले ३ लाख ५० हजार, तेस्रोले १ लाख ७५ हजार र चौथो टोलीले १ लाख रुपैयाँ पाउनेछ।