काठमाडौं (हाम्रो खेलकुद)- नेपालको टिप टप हेल्प नेपाल स्पोर्टस क्लबलाई ३-१ ले हराएपछि सेमिफाइनल पुगिसकेको इरान यु-१८ टोली तालिकाको शीर्षस्थानमा रहेको छ।

एक खेल अगाडि नै इरान यु १८ र हेल्प नेपाल सेमिफाइनलमा पुगिसकेका थिए । यसअघि लगातार तीन खेल जितेको हेल्प नेपालले दोस्रो रोजाईका खेलाडीलाई मौका दिएको थियो। पहिलो सेटमा केहि प्रतिस्पर्धात्मक रह्यो । खेल एक समय १९-१९ को बराबरीमा पुगेको थियो। तर हेल्प नेपालले यो सेट २५-२३ ले जित्यो।
त्यसपछि हेल्प नेपालको प्रदर्शन कमजोर बन्यो। दोस्रो सेटमा इरानको यु-१८ टिमले १८-११ को अग्रता बनायो। नेपाललाई मात्र १६ अंकमा रोक्दै हेल्प नेपालले दोस्रो सेट २५-१६ ले जित्यो। खेल १-१ को बराबरीमा पुग्यो।

यसपछि तेस्रो सेटमा पनि हेल्प नेपाल विरूद्ध इरानले २५-१७ ले बजाी मार्यो। चौथो सेटमा नेपालले झनै खराब प्रदर्शन गर्यो। यो सेटमा नेपालले मात्र ९ अंक बनायो। इरानले २५-९ ले चौथो सेट जित्दै ३-१ को जित हात पार्यो।

लगातार चौंथो खेल जितेर इरान यु १७ ले १० अंक जोड्यो । टोलीले अब भारतको क्यालिकटसँग प्रतिस्पर्धा गर्नेछ । ८ अंक बनाएको हेल्प नेपाल दोस्रोमा रह्यो । हुँदै उसले माल्दिभ्सको क्लब एचडिसी वा नेपालको गण्डकी मध्ये एकसँग सेमिफाइनल खेल्नेछ।