काठमाडौं (हाम्रो खेलकुद) – हाम्रो धरान भेट्रान टिम, फ्रिडम फाइडर, त्रिभुवन आर्मी फुटबल क्लब र ठमेल टुरिजम काउन्सिल दोश्रो भेट्रान्स फुटबल प्रतियोगिताको सेमिफाइनलमा प्रवेश गरेका छन् ।

फुटबलर्स मिसन टुगेदरको आयोजनामा जारी प्रतियोगितामा बिहीवार धरानले सरस्वतीनगर भेट्रान टिम लाई सडनडेथमा (१०–९) पराजित गरी अन्तिम चारको यात्रा तय गरेको हो ।

निर्धारित समयमा गोलरहित बरारीमा टुंगिएपछि खेल टाइब्रेकरमा पुगेको थियो । धरानका किपर राजेन्द्र धिमाल प्लेयर अफ द म्याच घोषित भए र उनलाई सैनिक गठ्ठाघरका डिपोपती प्रसे सुजीत श्रेष्ठले पुरस्कृत गरे ।

मध्यपुर युथ एसोसियसनको खेल मैदानमा भएको दोस्रो खेलमा फ्रिडमले बानेश्वर फ्रेण्डसिपलाई ४–१ ले पराजित गर्यो । फ्रिडमका लागि कृष्ण शाक्य, विकर्ण श्रेष्ठ, दिपक लामा र तेज वहादुर गलामीले गोल गरे ।

बानेश्वर फ्रेण्डसिपका लागि हरिहर थापाले सान्त्वना गोल गरे । फ्रिडमका प्रकाश रानामगर प्लेयर अफ दी म्याच घोषित भए र उनलाई करातेका राष्ट्रिय खेलाडी सनी तामाङ्गले पुरस्कृत गरे ।

आर्मीले किंङ्गकम स्पोर्ट्स क्लबलाई ५–३ ले पराजित गर्यो । आर्मीका लागि सन्तोष नेपालीले ह्याट्रिक गरे भने हर्कराज गुरुङर टिमका क्याप्टेन शशि किरण रायमाझीले गरे । आर्मीका कप्तान शशी किरण रायमाझी प्लेयर अफ द म्याच घोषित भए र उनलाई फुटबलर्स मिसन टुगेदरका उपाध्यक्ष भिक्टर जंगबहादुर राणाले पुरस्कृत गरे ।

चौथो तथा अन्तिम क्वाटरफाईनल खेलमा ठमेलले एनआरटीलाई ३–० ले पराजित गर्यो । ठमेलका लागि टासी छिरिङ, भेषराज लिम्बु र मित्र वहादुर बस्नेतले गोल गरे । ठमेलका वुद्धराज लिम्बु प्लेयर अफ दि म्याच घोषित भए र मध्यपुर थिमी नगरपालिकाका जनप्रतिनिधि उमेश ख्याजुले पुरस्कृत गरे ।

प्रतियोगितामा शुक्रवार हाम्रो धरानर र फ्रिडम फाईटर तथा आर्मी र ठमेल टुरिजमबीच हुनेछ ।