3 hours ago
October 5, 2024
काठमाडौं(हाम्रो खेलकुद) – नेपाल प्रिमियर लिग (एनपिएल) को सहभागी टोली लुम्बिनी लायन्सले राष्ट्रिय क्रिकेट टोलीका पूर्व सदस्य शक्ति गौचनलाई कन्सल्टेन्ट प्रशिक्षक नियुक्त गरेको छ ।
लुम्बिनी लायन्सका मालिक इश्वर जिसी र गौचनले शनिवार सम्झौता पत्रमा हस्ताक्षर गरेका छन्। सम्झौतालाई एक वर्षको रहेको र भविष्यमा पनि निरन्तरता पाउने बताइएको छ।
एनपिएलको आयोजनाका लागि गौचनले नेपाल क्रिकेट संघ (क्यान) लाई धन्यवाद दिए। उनले लुम्बिनीलाई आफूलाई मौका दिएकोमा धन्यवाद दिँदै टोलीलाई सफलता दिलाउन आफ्नोतर्फबाट शतप्रतिशत दिने बताए ।
लुम्बिनीका मालिक जिसी गौचनलाई भित्राउन पाउँदा गर्व लागेको जनाउँदै बताएका छन् । उनले टोली अहिले अक्सनमा केन्द्रित रहेको र मुख्य प्रशिक्षक चाँडै नियुक्त गर्ने बताए।
क्यानका सचिव पारस खड्काले नेपाली क्रिकेटमा गौचनको योगदानलाई आफूले शब्दमा बयान गर्न आवश्यक नरहेको बताए ।
लुम्बिनीका मार्की खेलाडीका रुपमा राष्ट्रिय क्रिकेट टोलीका कप्तान रोहित पौडेल रहेका छन् । लुम्बिनीको स्वामित्व फर्चुन हेल्थ कियर प्रालिसँग रहेको छ ।
नेपाल क्रिकेट संघ (क्यान) को आयोजनामा ८ टोलीको सहभागितामा मंसिर १५ गतेदेखि पुस ६ गतेसम्म एनपिएल हुनेछ । ८ टोलीको मार्की खेलाडीको टुंगो लागिसकेको छ ।
लिगमा सहभागी रहने नेपाली खेलाडीका लागि आइतवार अक्सन हुने तय भएको छ । विदेशी खेलाडी भने टिमहरुले सिधै अनुबन्धन गर्ने छन् ।
October 5, 2024
काठमाडौं(हाम्रो खेलकुद) – वात्सल्य एभरेस्ट महिला भलिबल लिग (इडब्ल्युभिएल) को उपाधिका लागि कर्णाली यश्विज र ललितपुर क्विन्सबीच शनिवार प्रतिस्पर्धा हुँदैछ । त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा फाइनल साँझ ५ः३० बजे सुरु हुनेछ । लिग चरणबाट कर्णाली शीर्ष र ललितपुर दोस्रो स्थानमा रहँदै उपाधि भिडन्त पक्का गरेका हुन् । कर्णालीले लिग चरणमा अपराजित रहँदै […]
October 5, 2024
काठमाडौं (हाम्रो खेलकुद)- पहिरोमा परि एन्फा एकेडेमी सिस्नेरीमा रहेका ६ युवा खेलाडीको मृत्यु भएको र अन्य क्षतिको अध्ययन गर्न छानविन गर्न संसदीय छानबिन समिति बन्ने भएको छ। असोज ११ गते लगातार वर्षापछि एकेडेमी ४० युवा खेलाडीलाई अन्यत्र लैजाने क्रममा बाटोमा ६ जनाको मृत्यु भएको बताइएको थियो। पूर्वाधार विकास समितिको शुक्रवार बसेको बैठकले छानबिन समिति बनाउने […]
October 5, 2024
काठमाडौं (हाम्रो खेलकुद)- घरेलु टोली नेपाल एसिया रग्बी इमिरेट्स सेभेन्स ट्रफी २०२४ को च्यालेन्ज सेमिफाइनलमा पराजित भएको छ। त्रिपुरेश्वरस्थित दशरथ रंगशलामा शनिवार बिहान भएको खेलमा नेपालि पुरुष टोली कतारसँग ३३-० को स्कोरमा पराजित भएको हो। नेपाल समूहचरणका सबै खेलमा पराजित भएपछि मुख्य स्पर्धा बहिरको च्यालेन्ज खेल्न परेको हो । नेपालले अब तेस्रो च्यालेन्जमा अफगानिस्तानसँग प्रतिस्पर्धा […]