3 hours ago
September 29, 2024
एजेन्सी – न्युजिल्यान्डविरुद्धको टेस्ट सिरिजमा श्रीलंकाले क्लिनस्विप गरेको छ । न्युजिल्यान्डविरुद्ध श्रीलंकाले दोस्रो टेस्टमा फराकिलो जित हात पारेको छ ।
श्रीलंकाले पाहुना टोलीमाथि दोस्रो टेस्टको चौथो दिन आइतवार १ इनिङ र १ सय ५४ रनको जित हासिल गरेको हो । जित सँगै घरेलु टोलीले सिरिजमा २-० ले क्लिनस्विप गरेको छ । पहिलो खेलमा घरेलु टोलीले ६३ रनले विजयी भएको थियो ।
पहिलो इनिङमा ८८ रन मात्र बनाए पछि पाहुना टोली ५ सय १४ रनले पछि परेको थियो । घरेलु टोलीले फलोअन दिएपछि दोस्रो इनिङको सुरुवात गरेको न्युजिल्यान्डले ३ सय ६० रन मात्र बनाए पछि इनिङ सहितको फराकिलो हार बेहोर्न पुग्यो ।
न्युजिल्यान्डका चार खेलाडीले अर्धशतक बनाए पनि फराकिलो हार टार्न भने सकेनन् । डेभोन कन्वे, टम ब्लन्डल, ग्लेन फिलिप्स र मिचेल स्यान्टनरले अर्धशतक बनाएका थिए ।
फिलिप्सले सर्वाधिक ७८, स्यान्टनरले ६७, कन्वेले ६१ तथा ब्लन्डलले ६० रन जोडे । केन विलियम्सले ४६, अजाज पटेलले २२ तथा रचिन रविन्द्रले १२ रन जोडे ।
श्रीलंकाका लागि निसान पेरिसले ६, प्रभात जयसुर्याले ३ तथा धनन्जय डि सिल्भाले १ विकेट लिए ।
पहिलो इनिङमा पाहुना टोलीले ८८ रन मात्र बनाउन सक्यो । टोलीका लागि मिचेल स्यान्टेनले सर्वाधिक २९, ड्यारेल मिचेलले १३ तथा रचिन रविन्द्रले १० रन बनाउनु बाहेक अन्य ब्याटरले दोहोरो अंकमा रन बनाउन सकेनन् । घरेलु टोलीका लागि प्रबात जयसुर्याले ६ तथा निसान पेरिसले २ विकेट लिएका थिए।
त्यसअघि टस जितेर ब्याटिङको सुरुवात गरेको घरेलु टोलीले तीन ब्याटरको शतकमा पहिलो इनिङमा विशाल योगफल तयार गरेको छ । घरेलु टोलीले पहिलो इनिङमा ५ विकेट गुमाएर ६ सय २ रन बनाउदै इनिङ समाप्तीको घोषणा गरेको थियो ।
दिनेश चन्डिमल, कमिन्डु मेन्डिस र कुशल मेन्डिसले शतक पूरा गरे। कमिन्डुले नट आउट १ सय ८२, चन्डिमलले १ सय १६ तथा कुशलले नट आउट १ सय ६ रन बनाएका थिए ।
एन्जेलो म्याथ्युजले ८८, दिमुथ करुणारत्ने १ ४६ रन बनाउँदै रन आउट भए। न्युजिल्यान्डलेका लागि ग्लेन फिलिप्सले ३ तथा कप्तान टिम साउथीले १ विकेट लिए ।
September 29, 2024
काठमाडौं(हाम्रो खेलकुद) – क्यानडामा जारी त्रिकोणात्मक टि ट्वान्टी सिरिजमा नेपालले आज ओमानसँग खेल्दैछ । खेल क्यानडाको किंग सिटीमा नेपाली समय अनुसार राति ९ः४५ बजे सुरु हुनेछ । सिरिजको पहिलो खेलमा शनिवार नेपाल घरेलु टोलीसँग १४ रनले पराजित भएको थियो । १ सय २४ रनको मध्यम लक्ष्य पछ्याएको नेपाल १९ ओभरमा १ सय ९ रन बनाउँदै […]
September 29, 2024
सुबास हुमागाईं, काठमाडौं साफ महिला च्याम्पियनसिप २०२४ का लागि एन्फाले गत साता ४० सदस्यीय नेपाली महिला राष्ट्रिय फुटबल टोलीको प्रारम्भिक छनोट घोषणा गर्यो । टोलीमा विभागीय खेलाडीको दबदबा रहेपनि कर्णाली प्रदेशबाट ३ खेलाडीले स्थान बनाए । कर्णाली प्रदेशले एन्फा महिला लिगमा सन्तोषजनक प्रदर्शन गर्दा टोलीमा महत्त्वपूर्ण प्रदर्शन गरेका कप्तान तथा गोलरक्षक लिला जोशी, डिफेन्डर तुलसा […]
September 29, 2024
एजेन्सी – जर्मन बुन्डेसलिगामा बायर्न म्युनिख र साविक विजेता बायर लेभरकुसनले बराबरी खेलेका छन् । दुई टोलीबीचको खेल १-१ को बराबरीमा टुंगिएको हो। घरेलु मैदान एलियान्ज एरिनामा बायर्नका लागि एलेक्सजेन्डर पाव्लोभिच र लेभरकुसनका लागि रोबर्ट एन्ड्रिचले गोल गरे । खेलमा अग्रता भने पाहुना टोलीले लिएको थियो । खेलको ३१औं मिनेटमा एन्ड्रिचको गोलमार्फत लेभरकुसनले अग्रता लिएको […]