1 month ago
September 14, 2024
काठमाडौं (हाम्रो खेलकुद)- राष्ट्रका उत्कृष्ट खेलाडीलाई २ दशक देखि निरन्तर सम्मान गरेर राम्रो परम्परा स्थापित गरेको भन्दै राष्ट्रपति रामचन्द्र पौडेलले नेपाल खेलकुद पत्रकार मञ्चलाई बधाई दिएका छन् ।
राष्ट्रपति पौडेलले सम्मानका लागि हुने अवार्ड आयोजनामा आफ्नो साथ र शुभकामना संधै रहने बताए ।
एसियाका खेल पत्रकारको संगठन एआइपिएस एसियाको २५ औं कंग्रेसका सहभागीलाई शनिवार आफ्नै निवासमा भेट दिनेक्रममा राष्ट्रपतिले यस्तो बताएका हुन्।
कंग्रेस आयोजनाको लागि नेपाललाई छानेकोमा एआइपिएस एसियालाई धन्यवाद दिदै कंग्रेस सफलतापूर्वक सम्पन्न भई एसियाली पत्रकारहरुको हक हितमा महत्वपूर्ण निर्णयका साथ काठमाडौं घोषणापत्र जारी गर्न सफल भएकोमा बधाईका पात्र हुनुहुन्छ ।
‘नेपालको पहिचान सगरमाथाको देश र बुद्ध जन्मस्थलको रुपमा विश्वव्यापी छ । त्यतिमात्र होइन, नेपाल खेल र खेलाडीको पनि देश हो। भर्खरै मात्र तेक्वान्दोकी पलेशा गोवर्धनले पारा ओलम्पिकमा पदक जितेर नेपालको नाम उँचो पार्नुभएको छ’, राष्ट्रपति पौडेलले भने ,’ त्यस्तै साहसिक खेल, हाइ अल्टिच्युट खेल, अल्ट्रा दौडमा नेपालको सम्भावना उच्च छ । हिँउको दौड एभरेस्ट म्याराथुनमा नेपाली खेलाडीले गिनिज बुकमा नाम लेखाएका छन् ।’
नेपाल यस्तो साहसिक खेलको प्रचुर सम्भावना भएको देश हो भनेर तपाईहरुले विश्व खेलकुद क्षेत्रमा यो सन्देश छरिदिनु होला भन्ने मलाई विश्वास छ, राष्ट्रपतिले थपे, एआइपिएस एसियाको। कंग्रेस जस्तो कार्यक्रम आयोजनाको आँट गर्ने आयोजक नेपाल खेलकुद पत्रकार मञ्च लाई पनि शुभकामना र बधाई छ ।’
कंग्रेसमा २४ राष्ट्रका ५६ जनाको सहभागिता रहेको मन्चले जनाएको छ। नेपालमा पहिलो पटक एआइपिएसको कंग्रेस आयोजना भएको हो।
मञ्चको आयोजना शुक्रवार भएको पल्सर स्पोर्ट्स अवार्डमा १० विधामा सम्मान गरिएको थियो।
October 22, 2024
काठमाडौं (हाम्रो खेलकुद)– एसियाली खेलकुद (एसियाड) को तयारीका लागि राष्ट्रिय खेलकुद परिषद् (राखेप) ले मिसन– २०२६ अन्तर्गत खेलाडीको विशेष प्रशिक्षण मंसिर १ गतेदेखि पुनः सुरु गर्ने भएको छ । सन् २०२६ मा जापानमा हुने २० औं एसियाडमा स्वर्णसहित दोहोरो अंकमा पदक जित्ने लक्ष्यसहित गत आर्थिक वर्षदेखि बढी सम्भावना भएका विभिन्न खेलका खेलाडीलाई समावेश गरी विशेष […]
October 22, 2024
काठमाडौं (हाम्रो खेलकुद) – प्रदीप खड्का, राजवीर प्रधान र प्रणव खनालले चौथो वीर गणेशमान सिंह राष्ट्रिय खुला टेनिस प्रतियोगिताको पुरुष सिंगल्समा मंगलवार जित हासिल गरेका छन् । उपाधिमा ह्याट्रिक गर्ने अभियानमा रहेका प्रदीपले प्रितम परियारलाई ६–० र ६–१ को सोझो सेटमा पराजित गरे । प्रदीप पछिल्लो दुई संस्करणका विजेता विजेता हुन् । राजवीरले सक्षमविक्रम शाहलाई […]
October 22, 2024
कन्चनपुर (हाम्रो खेलकुद)– दोश्रो राष्ट्रिय र्यापिड रेटिङ्ग बुद्धिचाल प्रतियोगिता कञ्चनपुर जिल्लाको बेदकोट नगरपालिकामा मंगलवार सुरु भएको छ । राष्ट्रिय बुद्धिचालका शीर्ष ६३ खेलाडी सहभागी रहेको प्रतियोगितामा बाँकी ४ चरणका खेल बुधवार हुनेछन् । नेपाल बुद्धिचाल महासंघ र काठमाडौं स्पोर्ट्स एकेडेमीको संयुक्त आयोजनामा भएको प्रतियोगिताको पहिलो दिन पाँचौ चरणका खेल सम्पन्न भएका छन् । एफएम क्षितिज […]