5 months ago
July 31, 2024
काठमाडौं (हाम्रो खेलकुद) – काभा महिला भलिबल नेसन्स लिग विहीवारदेखि त्रिपुरेश्वरस्थित राष्ट्रिय खेलकुद परिषदको कभर्ड हलमा सुरू हुँदैछ ।
प्रतियोगिताको पूर्वसन्ध्यामा बुधबार आयोजित पत्रकार सम्मेलनमा सहभागी राष्ट्रले उपाधिमा दाबेदारी प्रस्तुत गरेका छन् ।
आयोजक तथा दाबेदार नेपालले उपाधि जित्नेमा टिम आत्मविश्वासी रहेको बताएको छ । कप्तान अरूणा शाहीले रसियासँगको खेलबाट कमीकमजोरी सुधारेको र ५० दिनको तयारीले टिम मजबुत रहेका बताइन् । रसियासँग खेलेपछिको पछिल्लो दश दिन ब्लक, डिफेन्स र सर्भिसमा प्रशिक्षण केन्द्रित रहेको उनले जानकारी दिइन् ।
उनले भनिन् , सहभागी अन्य राष्ट्र बलियो भएपनि उत्कृष्ट प्रदर्शनकासाथ खेल आफ्नो पक्षमा पार्ने टिमको योजना छ । ‘ नेपालले भोलि श्रीलंकासँग खेलेर प्रतियोगिताको सुरूवात गर्नेछ। नेपाल र श्रीलंकाबीचको खेल दिउँसो ३:१५ बजे सुरु हुनेछ ।
श्रीलंका पनि राम्रो तयारी पश्चात नेपाल आइपुगेको हो । तीन महिनाको तयारी पछि टिम उत्कृष्ट लयमा रहेको र सबै खेल जित्न उत्तिकै मिहिनेत गर्ने कप्तान थीलीनी परेराले बताइन् । पहिलो खेल घरेलु टोली नेपाल विरूद्ध हुने र नेपाललाई घरेलु समर्थकको राम्रो साथ रहनेमा आफुहरू जानकार रहेको र यो पटक उपाधि नै लक्ष्य रहेको उनले दाबी गरिन् ।
प्रमुख दाबेदार तथा दक्षिण एसियाली जाएन्ट भारतकी कप्तान जीनी कोभात शाजीले टिम उत्कृष्ट रहेको र राम्रो तयारी गरेको बताइन् । पछिल्लो काभा च्याम्पियनसिप भारतले जितेको र यो पटक पनि उपाधि नै लक्ष्य रहेको जिकिर गरिन् । पहिलो दिन बिहीवार भारतले इरानसँग प्रतिस्पर्धा गर्नेछ ।
यो पटक इरानको टोलीमा युवा खेलाडीको बाहुल्यता रहेको छ । कप्तान सागयग हसनखानीले अन्डर-२० टिम रहेको भन्दै राम्रो नतिजाको लागि खेल्ने बताइन् । इरान र भारतबीचको खेल भोलि साँझ ५:४५ बजे सुरु हुनेछ ।
माल्दिभ्स आफ्नो तीन सिनियर खेलाडी विना नेपाल आएको हो । उनीहरू अहिले भुटानमा बीच भलिबलमा प्रतिस्पर्धा गरिरहेका छन् । उनीहरु आइतवार नेपाल आइपुग्नेछन् । सिनियर खेलाडी नहुँदा पनि उत्कृष्ट प्रदर्शन गर्ने फथिमात जुजानले बताइन् ।
सहभागी सबै टिम तयार छन् भने आयोजक नेपाल भलिबल संघले पनि सम्पुर्ण तयारी पूरा भएको जनाएको छ ।
सबै खेल दशरथ रंगशालास्थित कभर्ड हलमा हुनेछ । आयोजक नेपालको लागि घरेलु मैदान र समर्थकले थप सहयोग पुग्ने अपेक्षा गरिएको छ । हाम्रो खेलकुद र कान्तिपुर म्याक्सले लिगको सबै खेल प्रत्यक्ष प्रसारण गर्नेछ ।
January 9, 2025
काठमाडौं (हाम्रो खेलकुद)- एन्फा महिला लिग अन्तिम चरणको विभागीय डर्बीमा आज नेपाल पुलिस क्लब र एपिएफ फुटबल क्लब खेल्दैछन्। शीर्ष स्थानमा रहँदै प्ले अफमा पुग्नका लागि दुवै टोली जितको लक्ष्यका साथ मैदान उत्रनेछन् । बलियो दाबेदार एपिएफ दोस्रो चरणमा शीर्ष स्थानमा रहँदै अन्तिम चरणमा पुगेको थियो। विभागीय भिडन्त रहने महिला लिगमा त्रिभुवन आर्मी फुटबल क्लब […]
January 9, 2025
एजेन्सी – टोटनहमले लिग को सेमिफाइनलको पहिलो लेगमा बुधवार लिभरपुललाई हराएको छ। खेलको अन्त्यतिर लुकास बेरगभालले गरेको गोलमा टोटनहमले लिभरपुललाई १-० ले हराएको छ । यो सिजनमा लिभरपुलको यो दोस्रो हार मात्रै हो । सबै प्रतियोगिताका २४ खेलयता लिभरपुल पहिलो पटक पराजित भएको हो । लन्डनको टोटनहम स्टेडियममा भएको खेल सकिन ४ मिनेट अघि बेरगभालले गोल गरे […]
January 9, 2025
एजेन्सी – बार्सिलोना स्पेनिस सुपर कपको फाइनलमा पुगेको छ। साउदी अरबको जेद्दामा एथलेटिक क्लबलाई बुधवार २-० ले हराउँदै बर्सिलोना उपाधि नजिक पुगेको हो। गाभी र लामिन यमलको गोलमा बार्सिलोनाले जित निकालेको हो । खेलको १७ औं मिनेटमा गाभिले पहिलो गोल गरे । ५७ औं मिनेटमा यमलले गोल गरेपछि बार्सिलोनाको फाइनल यात्रा निश्चित भयो । अर्को […]
