3 days ago
July 5, 2024
काठमाडौं (हाम्रो खेलकुद) – नेपालमा महिला भलिबल फ्रेन्चाइज लिग आयोजना गर्नका लागि नेपाल भलिबल संघ (एनभिए) ले ७ वर्षका लागि सम्झौता गरेको छ ।
एनभिएले आधिकारिक रुपमा इन्फिनिटी ड्रिम्स प्रा. लि.लाई ‘एभरेस्ट महिला भलिबल लिग’ सञ्चालन गर्ने स्वीकृतिमा शुक्रबार सम्झौता गरेको हो ।
एनभिएका अध्यक्ष जितेन्द्र बहादुर चन्दले इनफिनिटी ड्रिम्स प्रा. लि. लाई नेपाल भित्र ७ वर्षको लागि एभरेस्ट महिला फ्रेन्चाइज भलिबल लिग आयोजना गर्न अनुमति प्राप्त गरेकोमा बधाई दिए ।
काठमाडौंमा सम्झौता घोषणा गर्नका लागि आयोजना भएको एक कार्यक्रमका बीच बधाई दिदैं चन्दले इनफिनिटी ड्रिम्स प्रा. लि. ले होम र अवेको अवधारणा अनुसार देशभर यो लिग आयोजना गर्न अधिकार पाएको जानकारी दिएका छन् ।
‘दुवै संस्था हाम्रो देशका महिलाहरुलाई भलिबल मार्फत सशक्त बनाउने कार्यमा सँगै काम गर्ने र खेलाडीहरूलाई व्यवसायिक रूपमा सशक्त बनाउनेका सातौं उनीहरुलाई आर्थिक रूपमा राम्रो अवस्थामा पुऱ्याउने विश्वास हामीले लिएका छौं’, प्रेस विज्ञप्तिमा उल्लेख गरिएको छ ।
यो लिगले भलिबल प्रति युवा भलिबल खेलाडीहरुलाई राष्ट्रिय स्तरमा आकर्षित गर्ने र अन्तर्राष्ट्रिय स्तरको प्रतियोगिताहरूमा उनीहरुलाई प्रदर्शन गर्ने ठूलो प्लेटफर्म हुने विश्वास एनभिएले लिएको छ ।
इन्फिनिटी ड्रिम्स प्रा.लि.का प्रबन्ध निर्देशक आमिर अख्तरले एभरेस्ट वुमेन्स भलिबल लिगले नेपालको महिला भलिबलको उन्नतिलाई विश्वव्यापी ध्यानाकर्षण दिलाउन सक्ने विश्वास लिइएको बताए । यसका साथै क्रिकेटमा एभरेष्ट प्रिमियर लिग जस्ता प्रतियोगिता आयोजना गरेको अनुभव बोकेका अख्तरले यस प्रतियोगितालाई महिला सशक्तिकरणमा समेत मद्दत पुर्याउने विश्वास व्यक्त गरे ।
‘हामीले नेपाल क्रिकेटमा एभरेस्ट प्रिमियर लिग जस्तो सफल फ्रेन्चाइज लिग सञ्चालन गरेर देश विदेशमा रहनुभएका नेपाली खेलकुद प्रेमीहरुबाट अत्याधिक माया प्राप्त गरिसकेका छौं’, उनले भने, ‘एभरेस्ट महिला भलिबल लिगको विशेष प्रस्तुतीले भलिबलमार्फत महिला खेलाडीहरुलाई सशक्तिकरण गर्न र समग्र सम्भावनालाई उच्च राख प्रमुख पहल गर्नेछ । यही उदेश्यका साथ, अन्तर्राष्ट्रिय स्तरमा नेपालको पहिलो महिला फ्रेन्चाइज लिग आयोजना गर्दै छौं ।”
यस्तै अख्तरले एनभिएलाई धन्यवाद व्यक्त गर्दै प्रतियोगिताको सफल आयोजना गर्ने आफूहरु विश्वस्त रहेको समेत बताए ।
July 8, 2024
एजेन्सी – म्यानचेस्टर युनाइटेडले अर्को साताभित्र दुई ठूला अनुबन्ध गर्ने तयारी गरेको बताइएको छ । युनाइटेडले डच डिफेन्डर म्याथिज्स डे लिग्ट र फरवार्ड जोशुवा जर्कजी अनुबन्ध गर्ने चर्चा रहेको छ । डिफेन्डर राफाएल भरानले कलन छाडेपछि युनाइटेडले डे लिग्टमा आँखा राखेको छ । उनी बायर्न म्युनिखसँग अलग हुने चाहाना राख्दछन । विभिन्न संचार माध्यमका अनुसार […]
July 7, 2024
काठमाडौं (हाम्रो खेलकुद)- पेरिस ओलम्पिकमा सहभागी हुने खेलाडीहरु संग राष्ट्रिय खेलकुद परिषद्का सदस्य–सचिव टंकलाल घिसिङले तयारी बारेमा जानकारी लिएका छन्। ओलम्पिकका लागि बन्द प्रशिक्षणमा रहेका खेलाडीहरुको तयारी र सरकारका तर्फबाट गर्नु पर्ने कामका विषयमा छलफल गरेका हुन्। साउन ११ गते देखि २७ गते सम्म आयोजना हुने ओलम्पिकमा नेपालका तर्फबाट सहभागी हुने ७ जना खेलाडीहरु मध्ये […]
July 7, 2024
एजेन्सी – पाँच टि-२० खेलका लागि जिम्बाब्वे पुगेको भारतीय क्रिकेट टोलीले दोस्रो खेलमा जित हात पारेको छ । हरारेमा भएको खेलमा भारतले घरेलु टोलीमाथि १०० रनको जित हात पर्दै शृंखलामा बराबरी गरेको हो । भारतले दिएको २३५ रनको लक्ष्य पछ्याएको जिम्बाब्वे १८.२ ओभरमा १३४ रनमा समेटियो । घरेलु टोलीका लागि वेस्ली मधुभेरेले ३९ बलमा सर्वाधिक […]