6 months ago
April 27, 2024
पोखरा (हाम्रो खेलकुद) – इजिप्टका सिफेल्दिन इस्माइलले पुरुषतर्फ र इजरायलकी इड्डा जानेसडोटिरले महिलातर्फ सातौं एसिया कप ट्रायथलन २०२४ को उपाधि जितेका छन् ।
पोखरामा शनिबार भएको प्रतियोगितामा सिफेल्दिनले ७ सय ५० मिटर पौडी, २० किमि साइक्लिङ र ५ किलोमिटर दौड ५६ मिनेट ४५ सेकेण्डमा तय गर्दै उपाधि जितेका हुन् । अस्ट्रेलियाका व्रुकलिन हेनरी दोस्रो भए । उनले ५७ मिनेट १० सेकेण्डको समयमा खेल पूरा गरे । ५७ मिनेट २० सेकेण्डको टइमिङमा जापानका मिट्सुहो मोचीजुकी तेस्रो भए ।
इजरायलकी इड्डाले १ घन्टा ६ सेकेण्डमा दुरी तय गर्दै पहिलो भइन् । गाम्बियाकी इजिमा मानामी इजिमाले १ घन्टा ४२ मिनेटको टाइमिङमा दोस्रो स्थान प्राप्त गरिन् । १ घन्टा ४ मिनेट १८ सेकेण्डको समय लिएकी उज्वेकिस्तानकी एलिना खाकीमोभा तेस्रो भइन् ।
एसियाकप ट्रायथलनमा पुरुषतर्फ ३८ र महिलातर्फ २४ खेलाडीहरुको सहभागिता रहेको थियो । प्रतियोगितामा नेपालसहित २० देशका अस्ट्रेलिया, युनाइटेड अरब इमिरेट्स, गाम्बिया, प्यालेस्टाइन, उरुग्वे, अस्ट्रिया, अल्जेरिया, न्यूजिल्याण्ड, लक्जम्बर्ग, जापान, भारत, मरिसस, काजाकास्तान, बंगालादेश, उज्वेकिस्तानलगायतका देशका खेलाडीले भाग लिएको नेपाल ट्रायथलन संघले जनाएको छ । नेपालको प्रदर्शन भने कमजोर रहयो।
दक्षिण एसियामा आदर्श र मान्सी च्याम्पियन
यसैगरी आजै पखराम भएको दशौं सस्करणको दक्षिण एसियाली ट्रायथलन च्याम्पियनसिपमा पुरुषतर्फ भारतका आदर्श मुरलीधरनले स्वर्ण पदक जितेका छन् । उनले १ घन्टा २ मिनेट ३ सेकेण्डको टइमिङमा पहिलो स्थान प्राप्त गरेका हुन् ।
भारतकै कौशिक विनय मालन्दकर दोस्रो भए । उनले १ घन्टा ३ मिनेट ६ सेकेण्डको समयमा दुरी तय गरे। त्यस्तै नेपालका विपन खत्कत्वा तेस्रो भए। उनले निर्धारित दुरी १ घन्टा ५ मिनेट २५ सेकेण्डमा पूरा गरे।
महिलातर्फ भारतकी मान्सी मोहिती पहिलो भइन् । उनले १ घन्टा ७ मिनेट ५१ सेकेण्डमा पौडी, साइक्लिङ र दौड पुरा गरिन् । नेपालकी श्रेवी महर्जनले १ घन्टा ११ मिनेट ४५ सेकेण्डको टाइमिङमा दोस्रो र शोभा बलामीले तेस्रो स्थानमा प्रतियोगिता सकाइन् । शोभाले उनले १ घन्टा २१ मिनेट १३ सेकेण्डको समयमा दुरी पुरा गरिन।
श्रेवी जुनियर दक्षिण एसियाली च्याम्पियन
महिला जुनियरतर्फ नेपालकी श्रेवी महर्जनले स्वर्ण पदक जितिन् । भारतका खेलाडीद्वय दुर्विशा पवार दोस्रो र प्रेरणा श्रवण कुमार तेस्रो भए । पुरूषतर्फ भारतका साइ केडी पहिलो र भारतकै कृषिभ पटेल दोस्रो भए । नेपालका यजु महर्जन तेस्रो स्थान प्राप्त गरे ।
विपन राष्ट्रिय विजेता
प्रतियोगिता अन्तर्गत राष्ट्रिय ट्रायथलनमा विपन खत्कत्वा पहिलो भए । उनले १ घन्टा ५ मिनेट २५ सेकेण्डको समयमा दुरी तय गरे । प्रविन थारु दोस्रो र मुकेश थारु तेस्रो भए । यसैगरी महिलातर्फ १ घन्टा २१ मिनेट ५७ सेकेण्डको समयमा दुरी पार गरेकी श्रेवी महर्जन पहिलो तथा शोभा बलामी दोस्रो र ज्ञानु कुमारी चौधरी तेस्रो भइन् ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं (हाम्रो खेलकुद)- महिला साफ च्याम्पियनसिप फुटबलको फाइनलको टिकट विक्री अखिल नेपाल फुटबल संघ (एन्फा) ले आफै विक्री गर्ने भएको छ। नेपाल र बंगलादेशबीच दशरथ रंगशालामा बुधवार साँझ ६:३० बजे फाइनल सुरु हुनेछ। एन्फाले मंगलवार पत्रकार सम्मेलनमार्फत ३ ठाँउमा बुधवार बिहान ८:०० बजे टिकट विक्री गरिने जानकारी गराएको थियो। जावलाखेल खेल मैदान, सातदोबाटोस्थित एन्फा कम्प्लेक्स […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]