लुम्बिनी जनरल इन्सुरेन्स गल्फ माघ २१ र २२मा

काठमाडौं (हाम्रो खेलकुद) – लुम्बिनी इन्सुरेन्सको मुख्य प्रायोजनमा लुम्बिनी इन्सुरेन्स आमन्त्रित गल्फ प्रतियोगिता माघ २१ र २२मा हुने भएको छ । प्रतियोगितामा विभिन्न कर्पोरेट हाउसका खेलाडीको सहभागिता रहने राजधानीमा बिहीबार पत्रकार सम्मेलन गर्दै आयोजकले जानकारी दिएका छन् ।

रोयल नेपाल गल्फ क्लबमा हुने प्रतियोगिता स्टेबल फोर्ड फम्र्याटको ३ र ४ ह्यान्डिक्यापको आधारमा हुने छ । प्रतियोगितामा विभिन्न बैंक, कर्पोरेट हाउसका कार्यरत गल्फरले प्रतिस्पर्धा गर्ने बताइएको छ ।छ । प्रतियोगिताको बिजेताले ट्रफि तथा गिफ्ट ह्याम्पर पाउने छन् ।

कम्पनीको १३औ वार्षिकोत्सव पारेर लुम्बिनी इन्सुरेन्सले मुख्य प्रायोजक भएर खेलकुद प्रतियोगिता आयोजना गर्न लागेको यो पहिलो पटक हो । यसपटकको प्रतियोगिता सफल भएमा अर्को बर्षपनि आयोजना गरिने कम्पनीका अध्यक्ष्य मनोहर दार मूलले बताउनु भयो। मुलका अनुसार प्रतियोगितामा विभिन्न कर्पोरेट हाउसका १०० खेलाडीहरुले निमन्त्रणा मार्फत सहभागिता जनाउने छन।