आयोजक एपिएफ र पुलिस महिला भलिबलको सेमिफाइनलमा

काठमाडौं (हाम्रो खेलकुद) – दुई विभागिय टोली नेपाल पुलिस र आयोजक एपिएफ सशस्त्र प्रहरी महानिरिक्षक चौथो राष्ट्रिय खुला महिला भलिबल प्रतियोगिताको सेमिफाइनलमा पुगेका छन् ।

हलचोक स्थित एपिएफको भलिबल कोर्टमा मंगलबार पुलिस दोहोरो सफलता हासिल गर्दै अन्तिम चारणमा पुगेको हो । पहिलो खेलमा आर्मीलाई २५–२०,२५–१४ र २५–१४ ले हराएको पुलिसले अर्को खेलमा पश्चिमाञ्चललाई २५–१२,२५–१९ र २५–२१ ले पराजित ग¥यो । पहिलो खेलमा पुलिस शुशिला थापा र अर्को खेलमा चुडा खड्का वुमन अफ द म्याच घोषित भइन् ।
अर्को खेलमा एपिएफले न्यू डाइमन्डलाई हराउँदै अघि बढेको हो । पहिलो सेट गुमाउनका वावजुद एपिएफ २२–२५,२५–१२,२५–२३ र २५–२३ ले विजयी भएको थियो । एपिएफकी सरस्वती चौधरी वुमन अफद म्याच बनिन् । हारका वावजुद न्यू डाइमन्डपनि सेमिफाइनल पुगेको छ । अब न्यू डाइमन्डले पुलिससँग सेमिफाइनल खेल्नेछ ।