मणिमुकुन्द भलिबल – पुलिस समूह विजेता

सुमन अधिकारी,बुटवल

रूपन्देहीको तिलोत्तमामा जारी नवौं मणिमुकुन्द कप राष्ट्रिय पुरुष भलिबल प्रतियोगिताको सेमिफाइनल पुगिसकेको नेपाल पुलिस क्लब समूह ए को विजेता बनेको छ ।

समूह चरणको आफ्नो अन्तिम खेलमा मंगलबार विहान कोशी प्रदेशलाई ३–० को सोझो सेटमा पराजित गरेपछि पुलिस समूह विजेता बनेको हो । पुलिसले कोशीलाई २५–१७, २५–१५ र २५–१३ ले पराजित ग¥यो ।

पुलिसले यसअघि भएका खेलमा त्रिभुवन आर्मी क्लब, सुदुरपश्चिम प्रदेश र मधेश प्रदेशलाई पराजित गरेको थियो । पुलिसले समूह बीको उपविजेतासँग सेमिफाइनल‌ खेल्ने छ ।

आजै आर्मी क्लब र सुदूरपश्चिम प्रदेशबीच हुने खेलको‌‌ नतिजाबाट समूह एको उपविजेताको टुंगो लाग्नेछ । समूहमा आर्मी र कोशीले समान २ खेल जितेका छन्।
यी दुबै टिमले ४ खेलमा २–२ खेल जितेका छन् ।

मधेश प्रदेश, सुदुरपश्चिम र कर्णाली प्रदेश प्रतियोगिताबाट बाहिरिएका छन् । मंगलबार समूह ‘बी’ मा बागमती प्रदेश र एपिएफ, तथा गण्डकी‌ प्रदेश र लुम्बिनी प्रदेशबीच खेल हुने छ ।

प्रदेश खेलकुद परिषद, लुम्बिनीको मुख्य प्रायोजन, नेपाल भलिबल संघको संयोजन तथा मणिमुकुन्द भलिबल क्लब, रुपन्देहीको आयोजनामा शुक्रवारबाट सुरु भएको प्रतियोगितामा सहभागी १० टिमलाई दुई समुहमा विभाजन गरि प्रतिप्रस्पर्धा गराइएको छ ।

मणिमुकुन्द भलिबल – पुलिस समूह विजेता

Latest News

Popular News

Featured

एनकेएलको उद्घाटन खेलमा काठमाडौं र पोखरा भिड्ने

सन्दीप पनि पिएसएल ड्राफ्टमा

सदभाव शीर्षस्थानमा कायमै

चर्चित खेलहरु:

उपयोगी लिङ्कहरू

सम्पर्क

सामाजिक संजाल