काठमाडौं (हाम्रो खेलकुद)– विभागिय खेलाडी मात्र सम्झना कप खुला टेबल टेनिसको महिला एकलको सेमिफाइनलमा पुगेका छन् । एपिएफकी सिक्का सुवाल र अनिता महर्जन तथा नेपाल पुलिसकी एलिना महर्जन र आर्मीकी रविना महर्जन बुधबार अन्तिम चारमा पुगेका हुन् ।

सम्झना कप खुला टेबलटेनिसमा सुजाता दुवाल ।

प्रहरीकी एसिलानले एपिएफकी एलिना राईलाई ४–१, सिक्काले आर्मीकी सनिता श्रेष्ठलाई ४–०, अनिताले पुलिसकी सुजाता दुवाललाई ४–२ र रविनाले एपिएफकी सोनु थापा मगर ४–१ ले हराएकी थिइन् । क्वार्टरफाइनलमा हार्ने पनि सबै विभाग कै खेलाडी हुन् ।
सातौं राष्ट्रिय खेलकुदका स्वर्ण पदक विजेता श्यान्टु श्रेष्ठ, एपिएफका शिव सुन्दर गोथे पुरुष एकलको क्वार्टरफाइनलमा पुगेका छन् । लैनचौरस्थित राष्ट्रिय टेबलटेनिस प्रशिक्षण केन्द्रमा भएको प्रतिस्पर्धामा श्यान्टूले काठमाडौंका निहाल श्रेष्ठलाई ४–० ले शिवले एभिएमका सन्योग कपालीलाई ४–० ले हराए । नेपाल भेट्रान्स टेबलटेनिस संघद्वारा आयोजित प्रतियोगिताको पुरुषकै अन्य खेलमा एपिएफका चन्दन शाही, पुलिसका प्रदीप रोका, आर्मीका मणिकुमार, एपिएफका अमर लाल श्रेष्ठ, लिभरपुलका नारायण घिमिले र एपिएफका विलोश श्रेष्ठ पनि अन्तिम आठमा पुगेका छन् ।

चन्दनले प्रहरीका राकेश महर्जनलाई ४–२, प्रदीपले काठमाडौंका नरेश रावललाई ४–३, आर्मीका मणिकुमारले एपीएफका उमेश मानन्धरलाई ४–१, अमरलालले काठमाडौंका घनश्याम शर्मालाई ४–०, नारायणले एपीएफका राजिव चिकबन्जारलाई ४–३ तथा एपीएफका विलोश लिभरपुलका रितिज जोशीलाई ४–३ ले हराएका थिए । पुरुष र महिला एकलको विजेताले २० हजार, दोस्रो हुनेले १० हजा तेस्रो हुनेले ३÷३ हजार रुपैयाँ पाउनेछन् ।

आइतबार सम्म चल्ने प्रतियोगिताको मुख्य प्रायोजक सम्झना लेबोरेटरी क्लिनिकका निर्देशक उर्दिप जोशी र आयोजक संघका सदस्य धर्ममान वज्राचार्यले प्रतियोगिता उद्घाटन गरेका थिए ।