9 months ago
February 7, 2024
हेटौंडा (हाम्रो खेलकुद)- एनआरटी हेटौंडामा जारी छैटौं संस्करणको सहिद स्मृति स्थानीय तह मकवानपुर फुटबल प्रतियोगिता–२०८० को फाइनलमा प्रवेश गरेको छ ।
धनकुटा राजारानी क्लबलाई बुधबार सडन डेथमा हराउँदै एनआरटी अन्तिम दुईमा पुगेको हो । निर्धारित समय गोलरहित बराबरी र टाइब्रेकर ५-५ बराबरीपछि खेल सडन डेथमा गएको थियो। टाइब्रेकरपछि १५/१५ पेनाल्टीमा पुगेर निर्णय भएको थियो।
राजारानीको २०औं पेनाल्टीमा शिशिर लेखीले प्रहार गर्दा एनआरटीका गोलरक्षक प्रिसोले रोकेका थिए । एनआरटीका मोहिन गुरुङले विजयी गोल गरेपछि एनआरटी फाइनल प्रवेश गरेने पहिलो टोली बनेको हो ।खेलको म्यान अफ द म्याच एनआरटीका प्रिसोले १० हजार रुपैयाँ पाए ।
प्रतियोगितामा शुक्रबार हुने सेमिफाइनलमा एपिएफ र सर्लाहीको बागमती युथ क्लबबीच प्रतिस्पर्धा हुनेछ।
मकवानपुर जिल्ला फुटबल संघको आयोजनामा जारी प्रतियोगिताको विजेताले १५ लाख र उपविजेताले १० लाख रुपैयाँ प्राप्त गर्नेछ । सर्वोत्कृष्ट खेलाडीले बुलेट मोटरसाइकल र विधागत उत्कृष्टले जनही २५ हजार रुपैयाँ प्राप्त गर्नेछन् ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं (हाम्रो खेलकुद)- महिला साफ च्याम्पियनसिप फुटबलको फाइनलको टिकट विक्री अखिल नेपाल फुटबल संघ (एन्फा) ले आफै विक्री गर्ने भएको छ। नेपाल र बंगलादेशबीच दशरथ रंगशालामा बुधवार साँझ ६:३० बजे फाइनल सुरु हुनेछ। एन्फाले मंगलवार पत्रकार सम्मेलनमार्फत ३ ठाँउमा बुधवार बिहान ८:०० बजे टिकट विक्री गरिने जानकारी गराएको थियो। जावलाखेल खेल मैदान, सातदोबाटोस्थित एन्फा कम्प्लेक्स […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]