काठमाडौं (हाम्रो खेलकुद) – ललितपुरका सुरोज महर्जनले दोस्रो टोखा युवा खुल्ला राष्ट्रिय र््यापिड बुद्धिचाल प्रतियोगिताको उपाधि जितेका छन् ।

टोखा युवा क्लबको आयोजना दुई दिने प्रतियोगिताको अन्तिम चरणको खेलमा सुरोजले काठमाडौंका धिरेन राईलाई हराएका थिए । सुरोजले छैटौं तुल्सीलाल स्मृति राष्ट्रिय टिम क्लव चेस च्याम्पियनसिपमा ललितपुर स्पोर्ट्स क्लबबाट खेलेका थिए ।

र्यापिड बुद्धिचालमा उत्कृष्ट लयमा रहेका सुरोजले ८ खेलमा जित निकालेका थिए भने छैटौं चरणको खेलमा शुुुसुरत दाहालसँग हार बेहोरेका थिए । सुरोजले १५ हजार रुपैयाँ प्राप्त गरे ।

दोसो भएका काठमाडौका सुदिप तामाङ १० र तेस्रो भएका धिरेन राईले ७ हजार रुपैयाँ प्राप्त गरे । साढे ७ अंक जोडेका सुदिपले नवौ चरणको खेलमा विनय राईलाई हराएका थिए। साढे ७ अंक नै भए पनि धिरेन सुदिपसंग प्रोग्रेसिभ अंकमा पछाडि परे।

टोखा नगरपालिका वडा नं ३ को आर्थिक सहयोगमा संचालन भएको प्रतियोगितामा झापाका शुसुरत दाहाल चौथो र सुमन लामा पाँचौ स्थानमा रहे । शुसुरतले ५ हजार र सुमनले ४ हजार रुपैयाँ पाए ।

दशौं स्थान सम्म प्राप्त गरेको प्रतियोगितामा झापाका सुमन मोक्तान छैटौं,काठमाडौका पुरुषोत्तम सिलवाल सातौं, धनुषाका सुशील चौधरी आठौं , काठमाडौका सुभाष गुरुङ नवौं र प्रेमकृष्ण महर्जन दसौं भए ।

त्यसैगरी अनरेटेडमा फुर्वा लामा विजयी भए । भेट्रानमा भक्तपुरका गणेशमान दुवाल पहिलो भए । महिलातर्फ काठमाडौका पुर्णिमा गुरुङ पहिलो भइन् । स्थानीय टोखामा जितेन्द्र डंगोल विजयी भए ।

त्यसैगरी यु १४ मा छात्रातर्फ रिया श्रेष्ठ र छात्रमा अभिन पाण्डेले पहिलो स्थान प्राप्त गरे । प्रतियोगिताका विजेता खेलाडीहरुलाई टोखा नगरपालिकाका प्रमुख प्रकाश अधिकारीले पुरस्कृत गरे ।