काठमाडौं (हाम्रो खेलकुद)– संकटा क्लबले यो साता राष्ट्रिय आमन्त्रण संकटा रनिङ शिल्ड तेक्वान्दो प्रतियोगिता आयोजना गर्ने भएको छ।

९ टोलीको सहभागितामा माघ १४ देखि १६ गते सम्म प्रतियोगिता स्थायित टेबहालमा सञ्चालन गरिने राजधानीमा पत्रकार सम्मेलनमार्फत क्बलका महासचिव रमेश बस्नेतले जानकारी दिए । जानकारी दिएको छ । तीन विभागिय टोली (नेपाली सेना, नेपाल प्रहरी, एपिएफ) , पाँच विकास क्षेत्र र आयोजकका गरि ९ टोलीका झन्डै सय खेलाडीले भाग लिने बताइएको छ ।

मित्सुबिसु मोटर कम्पनीको नेपालको आधिकारीक बिक्रेता लियोन मोटर्स प्रालिको मुख्य प्रायोजनमा हुने प्रतियोगितामा पुरूष र महिलातर्फ समान ६ तौल समूह समावेश गरिएको जानकारी दिइयो । प्रतियोगितामा पुरूषतर्फ ५४ केजी, ५८ केजी, ६३ केजी, ६८ केजी, ७३ केजी र ७७ केजी तथा महिलातर्फ ४२ केजी, ४६ केजी,४९ केजी,५३ केजी,५७ केजी र ६२ केजी तौल समूहमा प्रतिस्पर्धा हुनेछ ।

नेपाल तेक्वान्दो सघंको प्राविधिक सहयोगमा हुने प्रतियोगिताको विजेता टिमले शिल्डसहित ३० हजार रुपैयाँ प्राप्त गगर्नेछ । दोस्रो हुने टोलीले २५ हजार र तेस्रो हुनेले १५ हजार रुपैयाँ पाउनेछ । मुख्य प्रायोजन वापत लियोन स्पोर्टसले ५ लाख रुपैयाँ क्लबलाई दिने कम्पनिका सिईओ उपेन्द्र नापितले बताए ।

ए डिभिजन क्लब समेत रहेको संकटाले यसअघि राष्ट्रिय स्तरको किक बक्सिङ समेत आयोजना गरिसकेको जनाएको छ ।