2 years ago
September 24, 2023
सुबास हुमागाईं, हाङ्गचौ, चीन
सुटर श्लिषा भण्डारीले १९ औं एसियाली खेलकुद अन्तर्गत १० मिटर एयर राइफलको महिलातर्फ राष्ट्रिय कीर्तिमान तोडेकी छिन् ।
१९ वर्षीय श्लिषाले आइतबार फुयाङ यिन्हु स्पोर्ट्स सेन्टरमा भएको छनोट चरणमा कुल ६१६.९ अंक जोड्दै नयाँ राष्ट्रिय कीर्तिमान कायम गरेकी हुन् । यसअघि यो कीर्तिमान ओलम्पियन कल्पना परियारको नाममा रहेको थियो । कल्पनाले टोकियो ओलम्पिक २०२० मा ६१६.८ अंक जोड्दै कीर्तिमान कायम गरेकी थिइन् ।
पहिलो अन्तर्राष्ट्रिय प्रतियोगितामै कीर्तिमान कायम गरेपनि श्लिषा आफ्नो प्रदर्शनबाट सन्तुष्ट भने थिइनन् । ‘राष्ट्रिय कीर्तिमान बनाउँदा खुसी हुनु स्वभाविक हो तर मैले अझ राम्रो गर्न सक्थें । पहिलो अन्तर्राष्ट्रिय प्रतियोगिता भएकाले केहि नर्भस पनि भएँ । त्यसले पनि समग्र नतिजामा असर गर्यो,’ उनले भनिन् ।
श्लिषाले सुरुवाती तीन चरणमा १०१.१, १००.३ र १०२.५ को कमजोर प्रदर्शन गरेकी थिइन् । तर त्यसपछिको तीन चरणमा भने उनले १०५.०, १०४.८ र १०३.२ को स्कोर दर्ता गरिन् । उनले प्रतियोगिताको सुरुवातमा केही नर्भस भएको बताउनु नतिजाले पनि चित्रण गरेको थियो । यसका बाबजुद यो अनुभवले आफ्नो करिअरमा निकै सहयोग पुग्ने श्लिषाले बताइन् ।
‘आज सुरुवातमा राम्रो नहुँदा नतिजा राम्रो देखिएन । बिस्तारै खेलमा भिजेपछि आफ्नो स्वभाविक प्रदर्शन गर्न सकें । तर अझ राम्रो गर्न सक्छु भन्ने विश्वास छ । आजको अनुभवले थप फाइदा पुग्नेछ,’ श्लिषाले भनिन् ।
राष्ट्रिय कीर्तिमान बनाएकी श्लिषा घरेलु प्रतियोगिता खेलेको पनि धेरै भएको छैन । गत वर्ष सम्पन्न नवौं राष्ट्रिय खेलकुदबाट घरेलु प्रतियोगितामा प्रवेश गरेकी उनले छोटो समयमा नै उडान भरेकी छिन् । त्यसबेला व्यक्तिगततर्फ चौथो र टिम इभेन्टमा स्वर्ण जितेकी उनले आउने दिनमा अझ प्रदर्शन सुधार्ने लक्ष्य बनाएकी छिन् ।
‘प्रशिक्षणमा राम्रो गरेकै कारण आर्मीले मलाई आधुनिक हतियार दियो । नेपालमा हुँदा प्रशिक्षणको व्यक्तिगत उच्च स्कोर ६३०.१ थियो । यहाँ आएपछि कम्तिमा त्यो हासिल गर्न चाहन्थें । तैपनि यो प्रदर्शनले अझ मिहिनेत गर्न मनोबल बढेको छ,’ उनले थपिन् ।
आर्मी परिवारमै हुर्केका कारण उनीलाई हतियारसँग सानो उमेरदेखि नै लगाव थियो । त्यसैले परिवारबाट पनि खेलमा लाग्न उनलाई सहयोग पुगेको बताउँछिन् । ‘सानोदेखि नै आर्मी सेरोफेरोको परिवारमा हुर्केर होला हतियार देखें । सुटिङमा लाग्छु भन्दा पनि साथ पाएँ । अझ प्रशिक्षणमा राम्रो गरेपछि आर्मीबाट पनि विश्वास भयो । त्यसले मनोबल अझै बढ्यो,’ उनले भनिन् ।
आर्मीकै सेकेन्ड लेफ्टिनेन्टमा लड्ने तयारी गरिरहेकी श्लिषाले सुटिङमै ध्यान दिन एक वर्ष कुरिन् । आर्मीमा लगेर खेल र देशको सेवा गर्ने हुटहुटी उनीमा छ । अर्को वर्ष हुने पेरिस ओलम्पिक २०२४ खेल्ने सपना बोकेकी उनले छोटो समयमा गरेको प्रगतिले नेपाली सुटिङमा आशालाग्दो प्रतिभाको आगमन भएको संकेत दिन्छ ।
‘मेरो लक्ष्य ओलम्पिकमा देशको प्रतिनिधित्व गर्ने हो । त्यसका लागि छनोट प्रतियोगिता खेल्नुपर्ने हुन्छ । अहिलेको स्कोरले पनि महिलातर्फ ओलम्पिक खेल्न पुग्ने छ । आशा छ यसलाई अझ सुधार गरेर ओलम्पिकमा देशको नाम राख्न सक्नेछु,’ उनले टुंग्याइन् ।
May 3, 2025
एजेन्सी – गुजरात टाइटन्सले इण्डियन प्रिमियर लिग (आइपिएल) मा आजको खेल जित्दै अंक तालिकाको दोस्रो स्थानमा उक्लिएको छ। गुजरातले सनराइजर्स हैदरबादलाई ३८ रनले हराएको छ। जितको लागि २ सय २५ रनको लक्ष्य पछ्याएको हैदरबादले २० ओभरमा ६ विकेट गुमाएर १ सय ८६ रन मात्र बनाएको छ। हैदराबादका लागि अभिषेक शर्माले अर्धशतक बनाए। अन्य ब्याटरले लामो इनिङ […]
May 2, 2025
काठमाडौं (हाम्रो खेलकुद)- गण्डकी प्रदेशले राष्ट्रिय पुरुष तथा महिला हक्की प्रतियोगिताको महिलातर्फ दोस्रो जित निकालेको छ । ललितपुरको च्यासल फुटबल मैदानमा शुक्रवार भएको महिलातर्फको खेलमा गण्डकीले मधेश प्रदेशलाई २-१ ले पराजित गर्यो । गण्डकीको जितमा मयुरी राईले २ गोल गरिन् । उनी प्लेअर अफ दी म्याच पनि भइन् । मधेशकी गीताकुमारी म्रिङचिङले १ गोल फर्काए […]
May 2, 2025
पोखरा (हाम्रो खेलकुद)- प्रथम लायन्स कप आमन्त्रित पुरुष भलिबल प्रतियोगितामा इरानको टोली सेमिफाइनलमा प्रवेश गर्न सफल भएको छ। पोखरा रंगशालास्थित बहुउद्देश्यीय कभर्ड हलमा आज भएको खेलमा इरानको टोलीले गण्डकी प्रदेशलाई ३-१ ले हराउँदै सेमिफाइनलको यात्रा तय गरेको हो। इरानको टिमले सुरूवात राम्रो गर्यो। पहिलो सेट २५-१४ ले जित्यो। तर घरेलु टोली गण्डकीले खेलमा फर्कने संकेत […]