1 year ago
September 22, 2023
हाङ्गचौ (हाम्रो खेलकुद) – १९ अौें एसियाली खेलकुद अन्तर्गत टेबल टेनिसको प्रारम्भिक चरणमा नेपालले पहिलो दिन महिला र पुरुष दुवैको टिम इभेन्टमा हार बेहोरेको छ ।
पुरुषतर्फ जापानसँग ३-१ ले हारेपनि १७ वर्षीय रुविन महर्जनले तोमोकाजु हारिमोटोविरुद्ध पहिलो सेट जित्दै नेपाललाई राम्रो सुरुवात दिलाएका थिए । जापानविरुद्ध नेपालका कुनैपनि खेलाडीले सेट जितेको यो पहिलो अवसर पनि हो ।
पहिलो सेट ११-६ ले जितेका रुविन त्यसपछि भने ११-२, ११-३ र ११-५ ले पराजित भए । संयोग कपालीले माहारु योशीमुरासँग ११-७, ११-३ र ११-७ को हार बेहोरे । विलोश श्रेष्ठले सुन्सुके तोगामीसँग ११-६, ११-३र ११-३ को पराजय भोगेपछि नेपालको हार पक्का भएको थियो ।
हान्झाउस्थित गोङ्सु क्यानल जिम्नेजियममा नेपालको महिला टोली सिंगापुरसँग ३-० ले पराजित भयो । पहिलो खेलमा नेपाल नम्बर १ नविता श्रेष्ठ जिंगी झोउसँग ११-४, ११-३ र ११-४ को अन्तरमा पराजित भइन् ।
दोस्रो खेलमा सिक्का सुवाल जियान जेंगसँग ११-१, ११-२ र ११-४ को हार बेहोर्न पुगिन् । तेस्रो खेलमा इभाना थापा मगर ११-३ , ११-७ र ११-४ ले पराजित भएपछि नेपालले खेल सुम्पिएको थियो ।
नेपालले अब समूह चरणमा शनिबार विहान महिलातर्फ भारत र पुरुषतर्फ उत्तर कोरियाको सामना गर्नेछ ।
November 22, 2024
काठमाडौं (हाम्रो खेलकुद)- फाल्डो जुनियर टुर युरोप ग्रान्ड फाइनल २८औं संस्करणको यु-२१ तर्फको उपाधि विजेता नेपालका नम्बर एक एमेच्योर गल्फर सदभाव आचार्य स्वदेश फर्किएका छन्। सदभावलाई त्रिभुवन अन्तर्राष्टिय विमानस्थलमा आज राष्ट्रिय खेलकुद परिषदका सदस्य सचिव टंकलाल घिसिङ, नेपाल गल्फ संघका अध्यक्ष टासी घले तथा संघका पदाधिकारीहरुले स्वागत गरे। नेपाली खेलाडीले फाल्डो सिरिज अन्तर्गत ग्रान्ड फाइनलमा […]
November 22, 2024
एजेन्सी – घरेलु टोली अस्ट्रेलिया र भारतबीचको बोर्डर गावास्कर ट्रफी अन्तर्गतको पहिलो टेस्टको पहिलो दिनै १७ विकेटको पतन भएको छ । अस्ट्रेलियामा शुक्रवारबाट सुरु पहिलो टेस्टको पहिलो दिनमा दुवै टोलीको गरेर १७ विकेट पतन भएको हो । अस्ट्रेलियाको पर्थमा टस जितेर पहिले ब्याटिङ गरेको भारत पहिलो इनिङमा १ सय ५० रन बनाउँदै अल आउट भयो […]
November 22, 2024
काठमाडौं (हाम्रो खेलकुद)- यार्सागुम्बा एभरेष्ट हर्ब्स प्रोसेसिंङ प्रालिले यसै महिना हुने काभा क्लब च्याम्पियनसिप खेल्ने तयारीमा रहेको टिप टप हेल्प नेपाल स्पोर्ट्स क्लबलाई सह प्रयोजन गरेको छ। एभरेष्ट हर्ब्सका प्रबन्ध निर्देशक तथा प्रमुख कार्यकारी अधिकृत बिसु विक्की गोयन्काले नेपालको राष्ट्रिय खेल भलिबलको वृद्धि र विकासमा निकै महत्वपूर्ण योगदान दिँदै आइरहेको यस हेल्प नेपालसँग आबद्ध हुन […]
