काठमाडौं (हाम्रो खेलकुद) – निकै तनावपूर्ण खेलमा त्रिभुवन आर्मी क्लबले सातौं प्रधानमन्त्री कप एनभिए महिला तथा पुरुष राष्ट्रिय भलिबल क्लब च्याम्पियनसिपमा गण्डकी प्रदेशमाथि ३-० को सोझो सेटमा जित हात पारेको छ । झडपसहित तनावपूर्ण खेलमा आर्मीले सोझो सेटमा जित हात पारेको हो ।

राष्ट्रिय खेलकुद परिषद्(राखेप) को कभर्ड हलमा भएको खेलमा २५-१९, २६-२४ र ३३-३१ ले विजयी भएको थियो । तेस्रो सेटको अन्तिम समयभने निकै तनावपूर्ण रह्यो । आर्मी २३–२४ को अवस्थामा गण्डकीका खेलाडीले प्रहार गरेको स्पाइक आउट भएको भन्दै २४-२४ को बराबरी भएको थियो । तर गण्डकीका खेलाडी ब्लकको समयमा आर्मीका खेलाडीलाई लागेर गएको भन्दै बिबाद सुरु भएको थियो ।

गण्डकीका खेलाडीले उक्त रेफ्रीको निर्णयको विरोध गरेका थिए । त्यहिँ समय एक समर्थकले बोतल हानेपछि आर्मीका खेलाडी समर्थक पिट्न दर्शकदिर्घामै गएका थिए । आर्मीको टिम संयमित अपनाउन नसक्दा समर्थकमाथि आक्रोशित बनेका थिए ।

समर्थक पिट्न पुरै टिमनै जान खोजेको थियो । त्यसपछि खेल लामो समयसम्म तनावपूर्ण रहेको थियो । नेपाल प्रहरीले खेल शान्त पार्नु परेको थियो ।

त्यसअघि दोस्रो सेट पनि निकै कडा प्रतिस्पर्धात्मक बनेको थियो । २४-२४ को अवस्थामा गण्डकीका भारतीय खेलाडी जोजेबिनले सर्भिस बिगारेपछि हार नजिक पुगेको थियो । दोस्रो सेट सुरुवात देखीनै कडा प्रतिस्पर्धा भएको थियो । निर्णायक तेस्रो सेटमा ३१-३१ को बराबरी अवस्थामा पुगेको थियो ।

आर्मीका मानबहादुर श्रेष्ठको चलाखीपूर्ण अंक बटुलेपछि जित निकालेको थियो । तीनै सेटमा सानदार प्रदर्शन गरेका मानबहादुर खेलको केल्मि प्लेयर अफ द म्याच चुनिए । आर्मीले पहिलो खेलमा सैलुङ बागढुङ्गा र दोस्रो खेलमा दावाली मिलनमाथि ३-० को सोझो सेटमा जित हात पारेको थियो ।

आर्मीले बुधबार एपिएफसँग खेल्नेछ । गण्डकी पहिलो खेलमा नेपाल पुलिससँग ३-२ र नेपाल एपिएफ क्लबसँग ३-१ को सोझो सेटमा पराजित भएको थियो । गण्डकीको लगातार तेस्रो हारले फाइनल सम्भावना निकै न्यून बनेको छ ।

उक्त झगडाको पूरा भिडियो यहाँ हेर्नुहोस् :