काठमाडौं (हाम्रो खेलकुद) – नेपाल एपिएफ क्लबले सातौं प्रधानमन्त्री कप एनभिए महिला तथा पुरुष राष्ट्रिय भलिबल क्लब च्याम्पियनसिपमा लगातार दोस्रो जित हात पारेको छ । उपाधिको दाबेदार एपिएफले गण्डकी प्रदेशमाथि ३–० को सोझो सेटमा जित हात पारेको हो ।

राष्ट्रिय खेलकुद परिषद् (राखेप) को कभर्डहलमा सोमबार विहान भएको पहिलो खेलमा एपिएफलो २५–१२, २५–१८ र २५–८ को सोझो सेटमा जित हात पारेको हो । गण्डकी पहिलो सेटको सुरुवाती समय ५–६ को अवस्थाबाट थियो ।

१०–१३ को अवस्थामा थियो । तर एपिएफले उक्त अवस्थाबाट लगातार ९ अंक जोडेपछि सहज जितको आधार तय गर्यो ।
दोस्रो सेटमा गण्डकी प्रदेशले लगातार आठ अंक जोड्दै एपिएफलाई केहि समय दबाबमा राख्न सफल भएको थियो ।

गण्डकीले ९-२२ को अवस्थाबाट लगातार ८ अंक जोडेको थियो । तेस्रो सेटमा भने एपिएफले सहजै पराजित गर्यो । एपिएफले पहिलो खेलमा त्रिभुवन आर्मी क्लबलाई ३–२ को सेटमा पराजित गरेको थियो ।

गण्डकी पहिलो खेलमा नेपाल पुलिस क्लब र दोस्रो खेलमा न्यू डायमण्ड स्पोर्ट्स क्लबसँग सोझो सेटमा पराजित भएको थियो । एपिएफको जितमा पुजा चौधरी केल्मी प्लेयर अफ द म्याच चुनिन् ।

आज दोस्रो खेलमा बिहान १० बजे न्यु डायमण्ड र एभेष्टबीच प्रतिस्पर्धा हुनेछ । दिउँसो १२ बजे महिलातर्फ पुलिस र आर्मी भिड्नेछन् ।

पुरुषतर्फ आजको खेलमा दिउँसो २ बजे हेल्प नेपाल र दावाली मिलन, दोस्रो खेलमा दिउँसो ४ बजे आर्मी र गण्डकी तथा दिनको अन्तिम खेलमा पुलिस र शैलुङ बागढुङ्गाबीच प्रतिस्पर्धा हुनेछ ।