काठमाडौं (हाम्रो खेलकुद)– न्यू डाइमन्ड एकेडेमीले १२ औं ढोरपाटन डबल लिग महिला भलिबल प्रतियोगितामा पुनः शीर्षस्थानमा उक्लेको छ । बालाजु नयाँ बस पार्कस्थित नवनिर्मित कोटमा बुधबार रामेछापको चन्डेश्वरी युवा क्लबलाई हराँयदै न्यु डाइमन्ड अग्रस्थानमा पुगेको हो ।

रामेछापको चन्डेश्वरी युवा क्लवविरुद्धको सर्ट हान्दै न्यू डायमन्ड एकेडेमीकी प्रतिभा माली ।

चन्डेश्वरीलाई २५–९, २५–११ र २५–८ को सोझो सेटमा हराएको न्यू डाइमन्टले ५ खेलबाट १५ अंक जोडेको छ । एक खेल कम खेलेको दोस्रो स्थानको विभागिय टोली एपिएफको १२ अंक छ । बुधबार अन्य खेलमा रिड मोडल कलेज र नेपाल पुलिस क्लबले पनि सफलता प्राप्त गरेका छन् ।

स्वयुम्भू ठूलो भ¥याङस्थित रिड मोडल कलेजले नैकापको न्यू डायमन्ड स्पोर्टस् क्लबलाई ३–० को सोझो सेटमा हरायो । भारतीय राष्ट्रिय खेलाडीको सम्मिलित मोडलले २५–१४, २५–६ र २६–१२ सेटमा नतिजा आफ्नो पक्षमा परेको थियो । पुलिसले पश्चिमाञ्चल क्षेत्रिय भलिबल संघलाई ३–१ ले पराजित गर्यो ।

डबल लिगमा त्रिभुवन आर्मी क्लब ४ खेलबाट १२ अंक जोड्दै तेस्रो र ६ खेलबाट १२ अंक बटुलेको पुलिस चौथो स्थानमा छ । आयोजक ढोरपाटन स्पोर्टस् क्लवले ५ खेलबाट ८ अंक,चन्डेश्वरीले ६ खेलबाट ७ अंक तथा पश्चिमाञ्चलले ३ खेलबाट ३ अंक बटुलेको छ । बिजेश्वरी ज्ञान मन्दिर र न्यु डायमन्ड स्पोर्टस्ले खाता खोल्न सकेको छैन ।