काठमाडौं (हाम्रो खेलकुद) – नेपालका ओपनर निरज कुमार यादवलो मलेसियामा जारी एसिसी यू-१६ इस्टर्न जोन कपमा थाईल्यान्डविरुद्ध २१ बलमै अर्धशतक प्रहार गरेका छन् ।

मलेसियाको बांगीमा टस जितेर पहिला ब्याटिङ रोजेको नेपालले ७ ओभरमा कुनै विकेट नगुमाई ७४ रन बनाएको छ । नेपालका ओपनर निरज कुमार यादव २३ बलमा ४ चौका र ५ छक्कासहित ५१ रनमा क्रिजमा छन् । उनलाई सुर्यांशु कोइरालाले २० बलमा ३ चौकासहित १७ रनमा साथ दिएका छन् ।

निरजले सातौं ओभरमा आर्शिवाद नारायणलाई तीन बलमा लगातार तीन छक्का प्रहार गर्दै २१ बलमै अर्धशतक पूरा गरेका थिए । उनको अर्धशतकमा नेपालले विष्फोटक सुरुवात गरेको छ ।

समूह ए मा नेपाल, थाईल्यान्ड र मलेसिया छन् । समूह बी मा सिंगापुर, हङकङ, माल्दिभ्स र इन्डोनएसिया छन् । समूह ए को खेलमा मलेसियाले थाईल्यान्डलाई १ सय १८ रनले पराजित गरेको थियो ।

थाईल्यान्ड पहिलो खेलमै पराजित भएको हुँदा नेपाल पहिलो जित निकालेको खण्डमा सेमिफाइनलमा पुग्नेछ । नेपालले आफ्नो समूह चरणको अन्तिम खेल शुक्रबार मलेसियासँग खेल्नेछ । सेमिफाइनल ३ जुलाई र फाइनल ४ जुलाईमा हुनेछ ।

नेपालको यू(१६ टोली ः

दीप भुजेल, कार्तिक कामत, प्रतिक पोखरेल, निरज यादव, अभिषेक तिवारी (कप्तान), सुर्यांशु कोइराला, आषिश लुइटेल (विकेटकिपर), सन्तोष यादव, अशोक धामी, सचिन मल्ल र नरेन भट्ट ।