1 year ago
June 13, 2023
काठमाडौं (हाम्रो खेलकुद) – कोरोना संक्रमणका कारण थिलथिलो बनेको नेपाली खेलकुद पछिल्लो समय केही चलायमान बन्दैछ । झन्डै साढे २ वर्ष कोरोनाका कारण खेल गतिविधिमा प्रभाव परेपनि त्यसले बिस्तारै गति लिँदै गएको छ ।
घरेलु खेलकुदमा नवौं राष्ट्रिय खेलकुदपछि अन्य राष्ट्रिय प्रतियोगिता पनि जारी रहँदा अन्तर्राष्ट्रिय रुपमा पनि नेपाली टोलीले एकपछि अर्को सहभागिता र सफलता हासिल गर्दै आएका छन् । यस्तोमा जेठ ३२ गते नेपालको ४ राष्ट्रिय टोली संयोगवश एकै दिन मैदान उत्रने भएका छन् ।
त्यस दिन विहान १०:४५ बजे नेपालको महिला राष्ट्रिय क्रिकेट टोलीले एसीसी महिला टि२० एमर्जिङ टिम्स कपमा भारत ए को सामना गर्नेछ । त्यस्तै क्रिकेटतर्फ नै नेपालको पुरुष राष्ट्रिय टोलीले आइसीसी क्रिकेट विश्वकप २०२३ को छनोटमा ओमानसँग खेल्नेछ । उक्त खेल मध्यान्ह १२:४५ बजे सुरु हुनेछ ।
फुटबलतर्फ नेपालको पुरुष राष्ट्रिय टोलीले साँझ ४:४५ बजे फिलिपिन्सको राष्ट्रिय टोलीको सामना गर्नेछ । अर्को साताबाट भारतमा सुरु हुने साफ च्याम्पियनसिपको तयारीका लागि नेपाल फिलिपिन्स पुगेको हो ।
र साँझ ४:४५ बजे नै नेपालको पुरुष बास्केटबल राष्ट्रिय टोलीले पाकिस्तानसँग फाइभ नेसन च्याम्पियनसिपमा खेल्दैछ । यो प्रतियोगिता माल्दिभ्समा हुँदैछ ।
यसै पनि जुन महिना नेपाली खेलकुदका लागि अन्तर्राष्ट्रिय क्षेत्रमा निकै व्यस्त हुने देखिन्छ । अर्को सातादेखि नै नेपालको राष्ट्रिय भलिबल टोली पनि किर्गिस्तानमा हुने काभा पुरुष च्यालेन्ज कपमा सहभागी हुँदैछ ।
हाम्रो खेलकुद डट कमको मोबाइल एपमा तपाईंहरुले सम्पूर्ण खेलको तालिका एकसाथ हेर्न सक्नुहुन्छ । आफूलाई मनपर्ने खेलको समाचार, भिडियो लगायत विभिन्न सुविधा मोबाइल एपमा राखिएको छ । हाम्रो खेलकुदको एप सम्पूर्ण दर्शकका लागि निशुल्क एप स्टोर र प्ले स्टोरमा उपलब्ध छ । तपाईंले यहाँ थिचेर सहजै डाउनलोड गर्न सक्नुहुन्छ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
काठमाडौं (हाम्रो खेलकुद)- झमेल रक्सको आयोजनामा अर्को महिना चौथो दशै फुटसल प्रतियोगिता हुने भएको छ। सानेपाको फिल्ड फुटसलमा असोज १९ गते हुने प्रतियोगिताको विजेताले १ लाख र दोस्रो हुने टोलीले ५० हजार रुपैयाँ प्राप्त गर्नेछ। प्रतियोगिताको उत्कृष्ट खेलाडी र गोलकिपरले समान ५ हजार ५ सय ५५ रुपैयाँ प्राप्त गर्नेछन्। प्रतियोगितामा भाग लिन चाहाने टोलीले ७ […]