भलिबलमा सेनालाई पुरुष र एपिएफलाई महिलातर्फको उपाधि

दिपेन्द्र पोखरेल

इटहरी – पूर्वाञ्चलमा जारी सातौं राष्ट्रिय खेलकुदमा भलिबलमा त्रिभुवन आर्मी क्लब र एपिएफले स्वर्ण हात पारेका छन । पुरुषतर्फ त्रिभुवन आर्मी क्लबले एपीएफलाई र महिलतर्फ मध्यमाञ्चललाई सोझो सेटमा पराजित गर्दै स्वर्ण हात पारेको हो ।

फाइनलमा आर्मीले पहिलो सेट २५–२१, दोस्रो सेट २५–१६ र अन्तिम तथा तेस्रो सेट २५–१६ ले आफ्नो पक्षमा पारेको हो । पुरुषतर्फको रजतको खेल कारबाहिमा परेको पश्चिमाञ्चलबिरुद्द वाल्क ओभर पाएपछी नेपाल पुलिसले रजत हात पार्यो ।

महिलातर्फ मध्यमाञ्चललाई ३–० को सेटमा पराजित गर्दै एपीएफले स्वर्णमा कब्जा जमायो । निकै रोमाञ्चक खेलमा स्थानिय समर्थकहरुको साथ पाएको मध्यमाञ्चलले तेस्रो सेटमा सुरुवाती अग्रता गुमाएपछी सोझो सेटको हारको सामना गर्नु परेको थियो । पहिलो सेट २५–२२ ले जितेको एपीएफले दोस्रो सेट २५–२१ र तेस्रो सेट २५–२२ ले जित्दै स्वर्ण हात पार्यो ।