सेपाकताक्रो टिम इभेन्टमा आर्मीलाई स्वर्ण पदक

सातौ राष्ट्रिय खेलकुद
विराटनगर – पूर्वाञ्चलमा जारी सातौ राष्ट्रिय खेलकुलको तेस्रो दिन आइतबार सेपाकताक्रोमा आर्मीले स्वर्ण पदक हात जितेको छ । धरान स्थित डिपो उच्च माविमा भएको सेपाकताक्रोको रेगो इभेन्टमा पश्चिमाञ्चललाई १६–२१ र २०–२२ को सोझो सेटमा हराउँदै आर्मीले पहिलो स्थान प्राप्त गरेको हो ।

सेमिफाइनलमा सुदुरपश्चिमाञ्चललाई २१–९ र २१–१७ ले हराउँदै आर्मीले अन्तिम दुईमा स्थान बनाएको थियो । आइतबार नै मध्यमाञ्चलले कास्य पदक जितेको छ । सुदुर पश्चिमाञ्चललाई २२–२४ र १८–२१ को सोझो सेटमा पराजित गर्दै मध्यमाञ्चलले तेस्रो स्थान प्राप्त गरेको थियो । सेपाकताक्रो अन्तर्गतकै पुरुष तर्फका डबल इभेन्ट र टिभ इभेन्ट, महिला तर्फको डबल ईभेन्ट डिपो उमाविको खेलमैदानमा संचालन भईरहेको छ ।