नेपालगन्ज (हाम्रो खेलकुद) – युवा तथा खेलकुद मन्त्री महेश्वरजंग गहतराज (अथक) ले बाँके क्षेत्र नं. १ बाट प्रतिनिधि सभा सदस्यमा उम्मेदवारी दर्ता गरेका छन् । मंसिर ४ गते हुने संघिय र प्रदेश सभा सदस्यको निर्वाचनका लागि आइतबार मनोनय पत्र दर्ता गरिएको थियो ।

नेकपा माओवादी केन्द्रका स्थायी कमिटि सदस्य समेत रहेका मन्त्री गहतराजले सत्ता गठबन्धनकोतर्फबाट प्रतिनिधि सभा सदस्यमा उम्मेदवारी दर्ता गराएका हुन् । यसअघि पनि उनी सोही निर्वाचन क्षेत्रबाट निर्वाचित भएका थिए ।

प्रतिनिधि सभा र प्रदेश सभामा गरि अन्य एक दर्जन पूर्व खेलाडी र खेल पदाधिकारीले आइतबार उम्मेदवारी दर्ता गरेका छन् । गठनबन्धनकै तर्फबाट नेकपा समावादीका नेता संस्कृती पर्यटन तथा उड्यन मन्त्री जीवनराम श्रेष्ठले काठमाडौं क्षेत्र नं १ का उम्मेदवारी दिएका छन् ।

संघिय सांसदका खेलकर्मी उम्मेदवार

-जीवनराम श्रेष्ठ, नेकपा समाजवादी (काठमाडौं क्षेत्र नं ८)

-महेश्वरजंग गहतराज (अथक), माओवादी केन्द्र (बाँके क्षेत्र नं. १)

-कमल थापा, राप्रपा नेपाल (मकवानपुर क्षेत्र नं १)

-ध्रुबबहादुर प्रधान, राप्रपा (नवलपारी पश्चिम क्षेत्र नं २)

-रमेश खरेल, नेपाल सुशासन पार्टी ( काठमाडौं क्षेत्र नं १)

-ध्रुबविक्रम मल्ल, राप्रपा (काठमाडौं क्षेत्र नं ७)

प्रदेश सांसदका खेलकर्मी उम्मेदवार

-सुरेन्द्र हमाल, नेपाली कांग्रेस (बाँके क्षेत्र नं २,क)

-दीर्घबहादुर केसी (कुमार), नेपाली कांग्रेस ( रुपन्देही, क्षेत्र नं २,क )

-मीनकृष्ण महर्जन, नेपाली कांग्रेस (ललिपुतर १,ख)

-भीम ओली, नेकपा एमाले ( बाँके क्षेत्र नं ३ ख)

-प्रकाश बराल, नेपाल कांग्रेस ( कास्की क्षेत्र नं ३,ख)

-दीपक कोइराला, नेकपा माओवादी (कास्की क्षेत्र नं १, क)

-अशोक खड्का, स्वतन्त्र (काठमाडौं क्षेत्र नं २,ख)