काठमाडौं (हाम्रो खलकुद)– माल्दिभ्सविरुद्ध उत्रदै नेपालले बिहीबारबाट सुरु हुने बंगबन्धु एसियाली सेन्ट्रल जोन भलिबल च्याम्पियनसिपमाको यात्रा सुरु गर्ने भएको छ । सुरुमा १२ भनिएपनि च्याम्पियनसिपमा ५ देशको मात्र सहभागित हुने भएको छ । च्याम्पियनसिपमा नेपालसहित किर्गिस्तान, माल्दिभ्स, अफगानिस्तान र आयोजक बंगलादेशको मात्र सहभागिता रहेको  छ ।

बुधबार भएको ड्र अनुसार पहिलो खेल आयोजक बंगलादेश र अफगानिस्तानबीच हुने भएको छ अर्को खेलमा नेपालले माल्दिभ्सको सामना गर्नेछ । लिग कम कआउटका आधारमा हुने च्याम्पियनसिपमा नेपालले शुक्रबार बंगलादेश, शनिबार अफगानिस्तान र अन्तिम खेल सोमबार किर्गिस्तानसँग खेल्नेछ । सबैले एकअर्कासँग खेलेपछि समूहका शीर्ष दुई टोलीले फाइनलमा प्रतिस्पर्धा गर्ने छन् । तेस्रो र चौथो टोलीबीच कास्य पदकका लागि प्रतिस्पर्धा गर्नेछन् ।

नेपाली टोली मंगलबार राती बंगलादेशको ढाका पुगेको थियो । टोलीका मुख्य प्रशिक्षक जगदिश भट्टका अनुसार दिउँसो ३ बजे नेपाली टोलीले अभ्यास गर्नेछ । नेपाली टोलीको लक्ष्यका बारे भट्टले उनले भने,‘हामी पक्कै पनि पदकको लक्ष्य सहित जाँदै छौं । किर्गिस्तान स्तरीय टोली हो । हामी, अफगानिस्तान, माल्दिभ्स र बंगलादेश शारीरिक र प्राविधिक रुपमा धेरै फरक छैनौं । यत्ति हो अनुभव उनीहरुसँग हामी भन्दा अलि बढी छ ।’

अघिल्लो बर्षको प्रदर्शनका आधारमा पनि पदकको सम्भावना रहेको उनको भनाई छ । इम रानाको कप्तानीमा रहेको टोलीमा हरिहजुर थापा, मानबहादुर श्रेष्ठ, धनबहादुर भट्ट, विजय थापा,कुलबहादुर थापा, महेन्द्र श्रेष्ठ, भैरवबहादुर बम,भुवन कार्की, नरेन्द्र गिरी, देव शर्मा र इश्वर थापा छन् । नेपाल भलिबल संघका अध्यक्ष मनोरञ्जन शर्मा पनि टोलीसँगै छन् ।