3 years ago
July 18, 2022
काठमाडौं (हाम्रो खेलकुद) – भारतको व्यावसायिक गल्फ टुर, प्रोफेसनल गल्फ टुर अफ इन्डिया (पीजीटीआई) मा सहभागिता जनाइरहेका नेपालका नम्बर १ प्रो शुक्रबहादुर राईलाई नेपालका गल्फ प्रवर्द्धकहरुले आर्थिक सहयोग गरेका छन् ।
सोमबार एक कार्यक्रममाझ १३ व्यक्ति एवं संस्थाको तर्फबाट संकलित आठ लाख रुपैयाँ शुक्रलाई हस्तान्तरण गरिएको हो । शुक्रले आगामी एक वर्ष पीजीटीआई खेल्न र एक महिना बेंगलोरस्थित तरुण सरदेशाई गल्फ एकेडेमीमा प्रशिक्षण गर्ने खर्चस्वरूप गल्फ पारखीहरुले उनलाई सहयोग गरेका हुन् । सहयोगदाताहरुले शुक्रले बिना कुनै दबाब खेल्दै पीजीटीआईमा उपाधि जित्ने लक्ष्यसहित जाउन् भन्ने आशा राखेको बताए ।
शुक्रले आफूलाई हौसल दिने सम्पूर्णलाई धन्यवाद व्यक्त गरे । ‘यो कदमले मलाई पीजीटीआईमा निकै सहयोग पुग्नेछ । आफ्नो तर्फबाट सक्दो राम्रो प्रयास गर्नेछु । सहयोग गर्नुहुने सबैलाई धन्यवाद भन्न चाहन्छु,’ उनले भने ।
शुक्रले गत वर्ष पीजीटीआईको छनोटमा सफल हुँदै फुल कार्ड जितेका थिए । उनले हालसम्म खेलेका ६ प्रतियोगितामध्य ३ वटामा कट पार गरेका छन् । उनले गुरुग्राम चालेन्जमा ३८ औं स्थान हासिल गरेका थिए ।
शुक्रले २० जुलाईदेखि १४ अगस्टसम्म एक महिना बेंगलोरमा प्रशिक्षण लिनेछन् । त्यसपछि उनी लगातार पीजीटीआईको प्रतियोगितामा व्यस्त रहनेछन् । उनले यसबीचमा पनि एकेडेमीमा रहेर प्रशिक्षण गर्नेछन् ।
पीजीटीआई अन्तर्गत शुक्रले अगस्ट १७ देखि डिसेम्बर १८ सम्म १६ प्रतियोगितामा प्रतिस्पर्धा गर्न पाउनेछन् । यी प्रतियोगिताको पुरस्कार राशी ४० लाख भारतीय रुपैयाँ देखि ३ करोड भारतीय रुपैयाँसम्म रहेको छ ।
सहयोग गर्ने व्यक्ति एवं संस्थाहरु :
रविन्दर सैनी, पर्नोर्ड रिकार्ड – दुई लाख रुपैयाँ
सुहृद घिमिरे – ५० हजार रुपैयाँ
चन्द्र टन्डन – ५० हजार रुपैयाँ
आरआर पाण्डे – ५० हजार रुपैयाँ
टासी घले – ५० हजार रुपैयाँ
प्रवेश फुयाल – ५० हजार रुपैयाँ
टिजी श्रेष्ठ – ५० हजार रुपैयाँ
किशन अग्रवाल – ५० हजार रुपैयाँ
टेण्डी शेर्पा – ५० हजार रुपैयाँ
नोर्बु छिरिङ शेर्पा – ५० हजार रुपैयाँ
दीपक आचार्य – ३० हजार रुपैयाँ
संजय लामा – २० हजार रुपैयाँ
ब्रिटिस गोर्खा समाज – १ लाख रुपैयाँ
प्रतियोगिता सुची :
March 17, 2025
काठमाडौं(हाम्रो खेलकुद) – ललितनारायण राजवंशीको ६ विकेटमा साबिक विजेता नेपाल पुलिस क्लब प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा लगातार पाँचौ जित हात पारेको छ । सोमवार प्रतियोगितामा लगातार पाँचौं जित हात पार्ने क्रममा पुलिसले सुदूरपश्चिम प्रदेशलाई ६१ रनले पराजित गरेको हो । पुलिसले दिएको १ सय ६१ रनको लक्ष्य पछ्याएको सुदूरपश्चिम २८.३ ओभरमा ९९ रनमा […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध जित निकालेको छ । सोमवार दाङमा भएको खेलमा लुम्बिनीले मधेशमाथि ८३ रनको जित हात पारेको हो । लुम्बिनीले दिएको १ सय ५९ रनको मध्यम लक्ष्य पछ्याएको मधेश २६.५ ओभरमा ७५ रनमा समेटियो । मधेशका लागि दीपेश दासले सर्वाधिक २३ रन जोडे । […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध मध्यम योगफल तयार गरेको छ । दाङमा जारी खेलमा लुम्बिनीले १ सय ५९ रनको मध्यम लक्ष्य तयार गरेको हो । लमही क्रिकेट मैदानमा टस हारेर ब्याटिङको निम्तो पाएको लुम्बिनी प्रदेश ४६ ओभरमा १ सय ५८ रनको मध्यम योगफलमा समेटिएको हो । लुम्बिनीका […]
