ह्युस्टन (हाम्रो खेलकुद) – तल्लोक्रमका ब्याटर आरिफ शेखले आइसिसी विश्वकप लिग २ त्रिकोणात्मक ओडिआई सिरिजमा घरेलु टोली अमेरिकाविरुद्ध कठिन समयमा महत्वपूर्ण अर्धशतक प्रहार गरेका छन् ।

जितको लागि २ सय ४६ रनको प्रतिस्पर्धात्मक विजयी लक्ष्य पछ्याएको नेपालले ४१.१ ओभरमा ५ विकेट गुमाउँदै १ सय १ सय ७५ रन बनाएको छ । आरिफ शेख ६५ बलमा २ चौकासहित ५० रनमा क्रिजमा छन् । आरिफको ओडिआई करिअको यो तेस्रो अर्धशतक हो । सोमपाल कामी ६३ बलमा ३५ रनमा क्रिजमा छन् ।

एक समय ९३-५ को खराब सुरुवात गरेको नेपाललाई छैटौं विकेटका लागि आरिफ र सोमपालले ८२ रनको साझेदारी गरि सकेका छन् । ओपनर कुशल भुर्तेललाई तीव्र गतिका बलर अली खानले छैटौं ओभरको चौथो बलमा १० रनमा क्याच गराए । खानको दशौं ओभरको चौथो बलमा आसिफ शेख स्टिभन टेलरबाट १८ रनमा क्याच आउट भए । आसिफले १५ बलमा तीन चौका प्रहार गरे ।

विदेशी फ्रेन्चाइज लिगमा प्रभाव जमाउँदै आएका अली खानले दुबै ओपनरलाई सस्तैमा आउट गरेपछि नेपाली मध्यक्रम ब्याटिङ सम्हाल्लिन सकेन । नोथुश केंजिगेले उपकप्तान रोहित पौडेललाई १६ रनमा एलबीडब्लू आउट गर्दै ६९(३ को अवस्थामा पुर्याए । रोहितले १९ बलमा १ चौका र १ छक्का प्रहार गरे ।

प्रमुख ब्याटर दीपेन्द्रसिंह ऐरी स्पिनर निसर्ग पटेलको बलमा ७ रनमा मोनांक पटेलबाट २२ औं ओभरको दोस्रो बलमा ७ रनमा क्याच गराएपछि नेपाल संकटमा परेको थियो । ३२ औं ओभरमा आरिफ र अमेरिका तीव्र गतिका बलर क्यामरन स्टिभन्सबीच केहि विवाद समेत भएको थियो ।