default_image

3 years ago

May 7, 2022

च्यारिटी गल्फबाट सुभाषलाई १५ लाख सहयोग उठ्यो

207 views

0 Bookmark

काठमाडौं (हाम्रो खेलकुद) – नेपाललाई १३ औं दक्षिण एसियाली खेलकुदमा दोहोरो स्वर्ण पदक दिलाएका एमेच्योर गल्फर सुभाष तामाङको घर निर्माणका लागि आयोजित च्यारिटी गल्फ प्रतियोगिताबाट १५ लाख रुपैयाँ सहयोग उठेको छ ।

काठमाडौंस्थित गोकर्ण गल्फ कोर्षमा शनिबार आयोजित प्रतियोगितामा सुभाषको घर निर्माणार्थ सहयोग रकम संकलन गरिएको थियो । नेपाल गल्फ संघको पहलमा आयोजित प्रतियोगिता ३/४ स्टेबलफर्ड पद्दतिमा खेलिएको थियो ।

प्रतियोगितामा भने माधव सिंखडाले उपाधि जिते । उनले ४१ अंक जोड्दै ट्रफी हात पारे । कवि थापा र अर्जुन कुमार कार्कीले समान ४० अंक जोड्दा कविले ब्याक नाइनमा २१ अंक जोडेका कारण उपविजेता बने ।

बेस्ट ग्रसमा दाजुभाई टासी छिरिङ र वाङचेन धन्दुपले समान ३६ अंक जोडे । टासी र वाङचेनको अन्तिम ६ होलको स्कोर समान रहँदा टासीले १२ औं होलको बर्डीका आधारमा उपाधि जिते । महिलातर्फ गिता गुरुङले २६ अंकसाथ उपाधि जितिन् । सिनियरतर्फ समान ३५ अंक जोडेका रविन्द्र पाण्डेले काउन्ट ब्याकमा विजय बहादुर श्रेष्ठलाई पछि पारे ।

क्याप्टेन नोर्बु शेर्पाले लंगेस्ट ड्राइभ, रविन्द्र तिवारीले क्लोजेस्ट टु द पिन तथा टासी दोङले सर्वाधिक बर्डीको ट्रफी पाए । ७२ खेलाडीले प्रतियोगितामा सहभागिता जनाएका थिए । विजेतालाई संघका अध्यक्ष टासी घले, उपाध्यक्ष पवित्र कुमार कार्की, कोषाध्यक्ष किशन अग्रवाल तथा च्यारिटीमा सर्वाधिक सहयोग गरेका गोकर्ण गल्फ क्लबका अध्यक्ष सुहृद घिमिरेले पुरस्कृत गरे ।

प्रतियोगितामा ठमेल डेन्टल क्लिनिकले सुभाषलाई जीवनभरका लागि दन्त परिक्षण तथा उपचार निशुल्क गर्ने घोषणा गर्यो । नेपाल गल्फ संघ, गोकर्ण फरेस्ट रिसर्ट, पेर्नोड रिकार्ड र कार्ल्सबर्गले प्रतियोगिताको प्रायोजन गरेका थिए ।

April 4, 2025

लखनउसँग मुम्बईको हार

एजेन्सी – लखनउ सुपर जायन्ट्सले इण्डियन प्रिमियर लिग (आइपिएल) मा आज मुम्बई इण्डियन्सलाई १२ रनले हराएको छ। २ सय ४ रनको लक्ष्य पछ्याएको मुम्बईले निर्धारित २० ओभरमा ५ विकेट गुमाएर १ सय ९१ रन मात्र बनाउन सक्यो । मुम्बईका सूर्यकुमार यादवले ४३ बलमा ९ चौका र १ छक्काको सहयोगमा सर्वाधिक ६७ रन जोडे । मुम्बई […]

April 4, 2025

जीतपुरसिमरा गोल्डकप- बिएफसी भरतपुरको जित

सुनिल गाउँले,सिमरा हनामी बिएफसी भरतपुरले जीतपुरसिमरा गोल्डकप फुटबल प्रतियोगितामा विजयी सुरुवात गरेको छ । बाराको सिमरा रंगशालामा शुक्रवार राति फ्लडलाईटमा भएको १५ औं सिमरा गोल्डकपको उद्घाटन खेलमा भरतपुरले सिरहाको सलहेश युवा क्लबलाई २–१ ले पराजित गर्दै सेमिफाइनल यात्रा तय गरेको छ । भरतपुरको जितमा विशाल योञ्जन र राज भुषालले गोल गरे । सिरहाका लागि सुशील […]

April 4, 2025

साबामा टाइम्सको पहिलो जित

काठमाडौं (हाम्रो खेलकुद)- नेपालको टाइम्स बास्केटबल क्लबले साबा क्लब च्याम्पियनसिपमा पहिलो जित हात पारेको छ। टाइम्सले शुक्रवार माल्दिभ्सको ट्रेक्स बिसीलाई ६७–५९ ले पराजित गर्दै पहिलो जित निकालेको हो। भारतको मद्रासस्थित जवाहरलाल नेहरु इन्डोर स्टेडियममा भएको खेलको पहिलो क्वाटरमा टाइम्स १८ अंकमा रोकियो। ट्रेक्सले २० अंक बनायो। तर दोस्रो क्वाटरमा टाइम्सले उत्कृष्ट प्रदर्शन गर्दै २२–११ को […]

Success

Thank you for your time.