एजेन्सी – दक्षिण अफ्रिका न्युजिल्यान्डमा जारी आइसिसी महिला एकदिवसिय विश्वकपको सेमिफाइनलमा पुगेको छ । बिहीबार वर्षाको कारण दक्षिण अफ्रिका र वेस्टइन्डिजबीचका खेल स्थगित हुँदै एक एक अंक बाँडेसँगै सेमिफाइनलमा पुगेको हो ।

दक्षिण अफ्रिका शीर्ष दुईमा रहेर सेमिफाइनल खेल्ने पक्का भएको हो । वेलिंगटनमा टस हारेर ब्याटिङ थालेको दक्षिण अफ्रिका १०.५ ओभरमा ६१–४ को अवस्थामा पुन वर्षाभएपछि खेलनै स्थगित भएको हो । खेल वर्षाको कारण लामो समय रोकिदा २६ ओभरमा झाारिएको थियो ।

अंक तालिका

अष्ट्रेलिया ६ खेलमा १२ अंकका साथ शीर्ष स्थानमा छ । अष्ट्रेलियाले शीर्ष स्थानमा रहँदै सेमिफाइनलमा पुगि सकेको छ । दक्षिण अफ्रिका ६ खेलमा ४ मा जित र १ मा हार सहित ९ अंक जोड्दै दोस्रो स्थानमा छ ।

वेस्टइन्डिज ७ खेलमा ३ मा जित र ४ मा हार सहित तेस्रो स्थानमा छ । वेस्टइन्डिज सेमिफाइनलमा पुग्न भारत अन्तिम खेलमा आइतबार दक्षिण अफ्रिकासँग पराजित हुनुपर्छ । अथवा आइतबार नै इंग्ल्यान्डले बंगलादेशसँग हार बेहोर्नु पर्ने हुन्छ ।

इंग्ल्यान्ड ५ खेलमा ३ मा जित र ३ मा हार सहित चौथो स्थानमा छ । भारत ६ खेलमा ३ मा जित र ३ मा हार सहित पाँचौ स्थानमा छ । न्युजिल्यान्ड ५ खेलमा २ मा जित र ३ मा हार सहित छैटौं स्थानमा छ ।

बंगलादेश ५ खेलमा १ मा जित र ४ मा हार सहित सातौं स्थानमा छ । पाकिस्तान ६ खेलमा १ मा जित र ५ मा हार सहित पुछारमा छ । ८ देश सहभागी महिला विश्वकपमा शीर्ष चार टोलीले सेमिफाइनलमा स्थान बनाउने छन् ।