8 years ago
December 2, 2016
काठमाडौं (हाम्रो खेलकुद) – नेपाल आर्मीका दुई टोलीबीच छैटौं पुरुष राष्ट्रिय बीच भलिबल च्याम्पियनसिप उपाधिका प्रतिस्पर्धा हुने भएको छ । आर्मी एका दिप खड्का र रिसिधन मगरको जोडी र आर्मीकै दिल सुनार र दुर्गा महत्तोको जोडीले शनिबार फाइनल खेल्नेछन् ।
दिप र रिसिधनको जोडीले शुक्रबार नेपाल पुलिसका चन्द्र कुँवर र प्रज्वल मल्लको जोडीलाई २१–१५ र २१–११ ले हराएको थियो । अर्को सेमीफाइनलमा दिल र दुर्गाको जाडीले एपिएफका सुरेस चौधरी र मिलन मल्लको जोडीलाई २१–१४ र २१–१६ ले पराजित गरेको थियो ।
त्यस्तै पाचौँ महिला राष्ट्रिय बिच भलिबल च्याम्पियनसिपको उपाधिका लागि नेपाली पुलिसकी कोपिला उप्रेती र कमला पुनको जोडी तथा एपीएफकी रेश्मा भण्डारी र निसाना बलालको जोडीबीच प्रतिस्पर्धा हुने भएको छ ।
काभ्रेको दोलालघाटस्थित इन्द्रवती खोला किनारमा जारी भलिबलमा शुक्रबार कोपिला र कमलाको जोडीले आफ्नै विभागकी निता शाह र मनिषा चौधरीको जोडीलाई २१–१५ र २१–१० ले हराउँदै अन्तिम दुईको यात्रा तय गरेको थियो । अर्को सेमिफाइनलमा एपिएफकी रेश्मा र निसानाको जोडीले पश्चिमाञ्चलकी अरुणा शाही र मञ्जु गुरुङको जोडीलाई २१–१५ र २१–१२ ले पराजित गर्दै उपाधि नजिक पुगेको हो । प्रतियोगिता नेपाल भलिबल संघको आयोजना र काभ्रे जिल्ला भलिबल संघको ब्यवस्थापनमा सञ्चालन भइरहेको छ ।
December 24, 2024
काठमाडौं(हाम्रो खेलकुद) – नेपाली अलराउण्डर कुशल मल्ल युएईमा आयोजना हुने आइएल टि ट्वान्टी लिग खेल्ने भएका छन् । नेपाली अलराउण्डर कुशललाई अनुबन्ध गरेको आइएल टि ट्वान्टीको टोली डेजर्ट भाइपर्सले सामाजिक सञ्जालमार्फत जनाएको छ । क्लबका अनुसार कुशलले घाइते भएका नेदरल्याण्ड्सका अलराउण्डर बास डि लिडेको स्थान लिने छन् । नेपालका अर्का अलराउण्डर दीपेन्द्रसिंह ऐरीलाई भने गल्फ […]
December 24, 2024
काठमाडौं (हाम्रो खेलकुद)- दुई जनाले उम्मेदवारी फिर्ता लिएपछि नेपाल ओलम्पिक कमिटी (एनओसी) को ७ उपाध्यक्ष निर्विरोध भएको छ। नेपाल जुडो संघका अध्यक्ष दीपकहर्ष बज्राचार्य र नेपाल कबड्डी संघका अध्यक्ष तुलसी थापाले मंगलवार उम्मेदवारी फिर्ता लिएपछि ७ उपाध्यक्ष निर्विरोध भएका हुन्। उपाध्यक्षमा निर्विरोध हुनेमा ज्योति राणा, गोपाल सुन्दर लाल कक्षपति, प्रकाश शम्सेर राणा, दावा गुरूङ, अनिल प्रसाद […]
December 24, 2024
काठमाडौं (हाम्रो खेलकुद)- फुटबलर्स मिसन टुगेदर र ब्लुक्रस अस्पताल बिच स्वास्थ्य सेवामा छुट दिने सम्बन्धि सम्झौता भएको छ । फुटबलर्स मिसन टुगेदरका वरिष्ठ उपाध्यक्ष भिक्टर जे.बि. राणा र ब्लुक्रस कार्यकारी व्यवस्थापन समितिका सदस्य सचिव रजत श्रेष्ठले मंगलवार सम्झौता पत्रमा हस्ताक्षर गरे। सम्झौता ५ वर्षको रहेको बताइएको छ। मिसन टुगेदरमा आवद्ध पूर्व फुटबल खेलाडी , प्रशिक्षक, […]
