चितवन (हाम्रो खेलकुद) – होङ्गान्जी न्यु डायमन्ड स्पोर्ट्स क्लब र नेपाल पुलिस क्लब कर्पाकेली पुन युवा क्लब चितवनमा जारी लोक बहादुर पुन स्मृति कप राष्ट्रिय महिला भलिबल प्रतियोगिता फाइनलमा पुगेका छन् ।

आइतबार पूर्वी चितवनको खैरहनीस्थित सिमलटाडीमा रहेको आयोजक कर्पाकेली पुन युवा क्लबको कोर्टमा भएको पहिलो सेमिफाइनलमा न्यु डायमन्डले त्रिभुवन आर्मी क्लबलाई ३-० को सोझो सेटमा पराजित गर्दै फाइनलमा स्थान पक्का गर्यो । स्पाइकर प्रतिभा माली र बाल्मिका आचार्यले उच्च प्रदर्शन गर्दा न्यु डायमन्डले विभागीय टोली त्रिभुवन आर्मी क्लबलाई २५-२२, २५-२२ र २५-१६ ले हराउँदै फाइनलमा स्थान पक्का गर्यो ।

दोस्रो सेमिफाइनमा पुलिसले नेपाल एपिएफ क्लबलाई ३-० को सोझो सेटमा पराजित गर्यो । पुलिसले २५-२३, २५-१६, २५-२२ ले पराजित गर्दै फाइनलमा स्थान पक्का गर्यो । पहिलो सेटमा पुलिस १०-१८, र १४-२१ ले पछि परेको अवस्थाबाट उत्कृष्ट पूनरागमन गर्दै २५-२३ को जित हात पारेको थियो । स्पाइकर सरस्वती चौधरी बिनाको एपिएफको खेलमा तालमेल मिल्न सकेको थिएन ।

फाइनलमा आइतबार न्युडाइमन्ड र पुलिसबीच प्रतिस्पर्धा हुनेछ । तेस्रो स्थानको लागि आर्मी र एपिएफ भिड्नेछन् । प्रतियोगिताको विजेताले दुई लाख रुपैयाँसँगै ट्रफी मेडर र प्रमाणपत्र हात पार्नेछन्। दोस्रो हुनेले एक लाख रुपैयाँ तथा तेस्रो हुनेले ५० हजार रुपैया हात पार्नेछन्। सान्त्वना हुने टोलीले २५ हजार हात पार्नेछन् ।