8 years ago
December 1, 2016
काठमाडौं (हाम्रो खेलकुद)– नेपालले १३ औं दक्षिण एसियाली खेलकुद (साग) आयोजनाको जिम्मेवारी पाएको झन्डै १० महिनापछि दक्षिण एसियाली ओलम्पिक काउन्सिल (एसएओसी) बैठक शनिबार राजधानीमा हुने भएको छ । भारतमा फागुनको पहिलो साता सम्पन्न १२ औं सागको समापनमा नेपालले अर्को संस्करण आयोजनाका लागि झन्डा ग्रहण गरेको थियो । नेपालले सन् २०१८ मा १३ औं साग आयोजना गर्न सहमति जनाएपनि भौतिक पूर्वाधार निर्माणको काम सुरु भएको छैन ।
एसएओसी बैठकले १३ औं सागको मिति तय गर्ने बिहीबार आयोजित पत्रकार सम्मेलनमा नेपाल ओलम्पिक कमिटी (एनओसी) का महासचिव लामा टेन्डी शेर्पाले जानकारी दिए । बैठकको अध्यक्षतामा एनओसी अध्यक्ष जीवनराम श्रेष्ठले गर्नेछन् । आयोजक राष्ट्रको एनओसीका अध्यक्ष र महासचिव स्वतः एसएओसीको अध्यक्ष र महासचिव हुने प्रावधान अनुसार श्रेष्ठले बैठकको अध्यक्षता गर्नेछन् । बैठकमा साग खेल्ने ७ मध्ये ६ राष्ट्रका पदाधिकारीको सहभागिता निश्चित भइसकेको एनओसी अध्यक्ष श्रेष्ठले जानकारी दिए । भारतको सहभागिता भने अझै निश्चित भइसकेको छैन । बैठकमा भुटान, माल्दिभ्स, श्रीलंका, पाकिस्तान र बंगलादेशका पदाधिकारीको सहभागिता रहने निश्चित भइसकेको उनले बताए । अफगानिस्तान भने पछिल्लो सागपछि अलग मध्य एसिया क्षेत्रमा सामेल भइसकेको छ । अब सागमा ७ राष्ट्रबीच हुनेछ । बैठकमा एसओसीको हेर्डक्वार्टर स्थापना सम्बन्धि छलफल हुने र काठमाडौंमा स्थापना गर्न प्रस्ताव गर्ने पनि श्रेष्ठले जानकारी दिए ।
नेपालले आयोजना गर्न नसक्ने हुँदा श्रीलंकाले १३ औं साग आयोजनाको लागि इच्छा देखाएको श्रेष्ठले बताए । तर, नेपाल सरकार साग आयोजनाका लागि तयार भएकाले नेपालमै आयोजना गर्न प्रयासरत रहेको अध्यक्ष श्रेष्ठले बताए ।
एनओसी एक्सिलेन्सी अवार्ड
यसै महिना हुने नवौं साधारण सभामा एनओसीले दुईजना खेलकुद पत्रकारलाई सम्मान गर्ने भएको छ । ओलम्पिक मुभमेन्टमा योगदा पुर्याएको भन्दै श्याम चित्रकार र ओलम्पिक इतिहासको डकुमेन्ट्री बनाएका राजु सिलवाललाई मंसिर ३० गते एनओसी एक्सिलेन्सीबाट सम्मान गरिने एनओसी महासचिव शेर्पाले जानकारी दिए ।
मंसिर १५ गतेको बसेको एनओसी बैठक अर्को बषबार्ट हरेक बर्ष राष्ट्रिय संघमध्ये उत्कृष्ट काम गर्ने २ संघलाई, २ खेलाडी (महिला र पुरुष), २ प्रशिक्षक (महिला र पुरुष) तथा ६ खेलकुद पत्रकार (दैनिक,साप्ताहिक,टिभि,रेडियो,अनलाइन र फोटोपत्रकारबाट १÷१) लाई जनही २५ हजार रुपैयाँसहित सम्मान गरिने बताइएको छ । पुरस्कार दिने व्यक्तिको छनोटका लागि एनओसीले अलग अलग छनोट समिति बनाउने जनाएका छ ।
दोस्रो राष्ट्रिय खेलकुद कंग्रेस
एनओसीले अर्को महिना दोस्रो राष्ट्रिय खेलकुद कंग्रेस आयोजना गर्ने बताएको छ । खेलकुद क्षेत्रलाई व्यवस्थित र प्रभावकारी बनाउँदै लैजाने उद्देश्यका साथ पुस १ र २ गते कंग्रेस आयोजना गर्न लागिएको एनओसी महासचिव शेर्पाले बताए ।
November 15, 2024
एजेन्सी – घरेलु टोली वेस्ट इण्डिजविरुद्धको टि ट्वान्टी आईमा सिरिजमा पाहुना टोली इङ्ग्ल्याण्डले लगातार तेस्रो जित हासिल गरेको छ । इङ्ग्ल्यान्डले शुक्रवार भएको खेल ३ विकेटले जितेको छ । जितसँगै पाहुना टोलीले ५ खेलको टि ट्वान्टी आई सिरिज दुई खेल अगावै जितेको छ । १ सय ४६ रनको लक्ष्य इङ्ग्ल्यान्डले १९.२ ओभरमा ७ विकेट गुमाएर […]
November 15, 2024
एजेन्सी – फिफा विश्व कप २०२६ को दक्षिण अमेरिका छनोट खेलमा ब्राजिल बराबरीमा रोकिएको छ । ब्राजिल भेनेजुएलासँग शुक्रवार १–१ गोलको बराबरीमा रोकिएको हो । घरेलु मैदानमा भएको खेलमा भेनेजुयलाको लागि तेलास्को सेगोभिया र ब्राजिलका लागि राफिन्हाले गोल गरेका थिए । खेलको ४३औं मिनेटमा राफिन्हाले फ्रिकिकबाट गोल गर्दै ब्राजिललाई सुरुवाती अग्रता दिलाएका थिए । सेगोभियाले […]
November 15, 2024
एजेन्सी – विश्व विजेता अर्जेन्टिना दक्षिण अमेरिकी विश्वकप छनोटमा शुक्रवार पराजित भएको छ।पाराग्वे अर्जेन्टिनालाई २-१ ले स्तब्ध पारेको हो। लउतारो मार्टिनेजले ११ औं मिनेटमा गोल गर्दै अर्जेन्टिनालाई सुरुआती अग्रता दिलाए । तर टोलीले त्यसलाई जोगाउन सकेन । पाराग्वेका लागि१९ औं मिनेटमा एनटोनिओ सानाब्रिआले बराबरी गोल गरे। पाराग्वेका ओमनर एलडेरेटले दोस्रो हाफको दोस्रो मिनेटमा गोल नै […]
