काठमाडौं (हाम्रो खेलकुद) – काभ्रेको दोलालघाटमा जारी पाचौँ महिला तथा छठौँ राष्ट्रिय बिच भलिबल च्याम्पियनसिपअन्तर्गत पुरुषतर्फ तीन विभागिय टोली (एपिएफ, पुलिस र आर्मी) का समान २ टोली तथा सुदूरपश्चिमाञ्चल र पश्चिमाञ्चल क्वार्टरफाइनलमा पुगेका छन् । एपिएफ,पुलिस र पुर्वाञ्चलका दुवै टिम तथा पश्चिमाञ्चल र मध्यमाञ्चल महिलातर्फको अन्तिम आठमा पुगेका छन् ।

मध्यमाञ्चलका जितेन्द्र श्रेष्ठ

पुलिस एका कोपिला उप्रेती र कमला पुनको जोडीले आर्मीका जानकी भण्डारी र मनिसा खाँडको जोडीलाई २१–१४ र २१–१३ पराजित गर्यो । एपिएफ एकी नेभिका चौधरी र सरस्वती चौधरीको जोडीले मध्यपश्चिमाञ्चलका लिला खत्री र अमृता विष्टको जोडीलाई २१–७ र २१–१० ले हरायो । क्वार्टरफाइनलमा नेभिका र लिलाको जोडीले अब कोपिला र कमलाको जोडीको सामना गर्नेछन् । एपीएफ बीका रेश्मा भण्डारी र निसाना बलालको जोडीले सुदुरपश्चिमाञ्चल बीका पुनम चन्द र रीता बोहराको जोडीलाई २१–७ र २१–८ ले हरायो । पुलिस बीकी निता शाह र मनिषा चौधरीको जोडी र मध्यमाञ्चल एका वर्षा थापा र अजिता ठकुरीको जोडीबीच ,एपीएफ बीका रेश्मा र निसानाको जोडी र पुर्वाञ्चलकी भूमिका मुडेल र विपना राजवंशीको जोडीबीच प्रतिस्पर्धा हुनेछ ।
पुरुष क्वार्टरफाइनलमा एपीएफ एका सुरेश चौधरी र मिलन मल्लको जोडीले सुदुरपश्चिमाञ्चलका गंगा अवस्थी र योगेश शाहीको जाडी प्रतिस्पर्धा हुनेछ । एपीएफ बीका लक्ष्मण राना र दिनेश गीरीको जोडीले आर्मी बीका दिल सुनार र दुर्गा महत्तोको जोडीको सामना गर्नेछ । आर्मी एका दिप खड्का र रिसीधन मगरको जोडीले पुलिस बीका ध्रुव पौडेल र दिपक जोशीको जोडीको चुनौतिको सामना गर्नुपर्नेछ । त्यस्तै पुलिस एका चन्द्र कुँवर र प्रज्वल मल्लको जोडी र पश्चिमाञ्चलका रमेश केसी र घनश्याम चोधरीको जोडीबीच प्रतिस्पर्धा हुनेछ ।
पुरुषतर्फ सुदुरपश्चिमालका गंगा अवस्थी र योगेशको जोडीले मध्यमाञ्चलका जितेन्द्र र श्रीरामको जोडीलाई २२–२० र २१–१९ को झिनो अन्तरले हरायो । एपिएफ बीका लक्ष्मण र दिनेशको जोडीले मध्यमाञ्चल बीका राजेन्द्र शर्मा र दमन केसीको जोडीलाई २१–१२ र २१–१२ ले हरायो । आर्मी बीका दिल र दुर्गाको जोडीले मध्यपश्चिमाञ्चल एका टेक राना र विक्रम साउदको जोडीलाई २१–१३ र २१–११ ले पराजित गर्यो । त्यस्तै आर्मी एका दिप र रिसीधनको जोडीले मध्यपश्चिमाञ्चलको इश्वर खड्का र मनिराम चौधरीको जोडीलाई २१–११ र २१–११ ले तथा पुलिस एका चन्द्र र प्रज्वलको जोडीले पुर्वाञ्चल बीका दिपेन मल्लिक र नितेश धिमालको जोडीलाई २१–२ र २१–१३ ले हरायो । नेपाल भलिबल संघको आयोजना र काभ्रे जिल्ला भलिबल संघको ब्यवस्थापनमा प्रतियोगिता सञ्चालन भइरहेको छ ।