3 years ago
November 8, 2021
एजेन्सी – आइसिसी टि२० विश्वकप २०२१ को सुपर १२ को अन्तिम खेलमा भारतले नामिबियाविरुद्ध पहिला फिल्डिङ गर्ने भएको छ । दुबई इन्टरनेशल क्रिकेट स्टेडियममा भारतका कप्तान विराट कोहलीले टस जितेर पहिला फिल्डिङ गर्ने निर्णय लिएका छन् । भारतले टोलीमा एक परिवर्तन गरेको छ । स्पिनर राहुल चक्रवर्तीको स्थानमा लेगस्पिनर राहुल चाहरलाई मौका दिएको छ ।
नामिबियाले पनि टोलीमा एक परिवर्तन गरेको छ । नामिबियाले कार्ल बिर्केनस्टकस्थानमा जेन फ्रिलिंकलाई मौका दिएको छ । समूह चरणबाटै बाहिरिएको भारत कमजोर नामिबियामाथि सानदार जितका साथ सुखद अन्त्य गर्ने सोचमा छ । भारत ४ खेलमा २ मा जित र २ मा हार सहित ४ अंकका साथ तेस्रो स्थानमा छ ।
नामिबिया ४ खेलमा ३ मा हार र १ मा जित सहित पाँचौं स्थानमा छ । भारत पहिलो खेलमा पाकिस्तानसँग १० विकेट र न्युजिल्यान्डसँग ८ विकेटले पराजित भएपछि अघिल्लो चरण लगभग सकिएको थियो । सुरुवाती प्रमुख खेलको हारनै भारत बाहिरिनुको प्रमुख कारण बन्यो । नामिबियालाई ८ विकेट र अफगानिस्तानालाई ६६ रनले हराउँदै भारतले अघिल्लो चरणको सम्भावना राखेको थियो । तर अफगानिस्तान न्युजिल्यान्डसँग आइतबार ८ विकेटल पराजित भएपछि भारत औपचारिक रुपमा बाहिरिएको थियो ।
विश्वकप २०२१ को सेमिफाइनलमा पुग्ने चारै टोलीको टुङ्गो लागि सकेको छ । सुपर १२ समूह १ बाट इंग्ल्यान्ड विजेता र अष्ट्रेलिया उपविजेताको रुपमा सेमिफाइनलमा प्रवेश गरेका छन् । भारत रहेको सुपर १२ को समूह २ बाट पाकिस्तान विजेता र न्युजिल्यान्ड उपविजेताको रुपमा सेमिफाइनलमा स्थान बनाए ।
कप्तान विराट कोहलीको टि२० कप्तानको रुपमा यो अन्तिम खेल हो । नामिबियाले पहिलो खेलमा स्कटल्यान्डलाई ४ विकेटले हराएको थियो । अफगानिस्तानसँग ६२ रन, पाकिस्तानसँग ४५ रन र न्युजिल्यान्डसँग ५२ रनले पराजित भएको थियो ।
भारतको प्लेइङ ११ :
विराट कोहली (कप्तान), रोहित शर्मा, लोकेश राहुल, सूर्यकुमार यादव, ऋषभ पन्त (विकेटकिपर), हार्दिक पान्ड्या, रविन्द्र जडेजा, राहुल चाहर, जस्प्रित बुमराह, रविचन्द्रन आश्विन र मोहम्मद शामी ।
नामिबियाको प्लेइङ ११ :
स्टेफन ब्राड, माइकल भ्यान लिङ्गेन, क्रेग विलियम्स, गेरहार्ड इरास्मस (कप्तान), जेन ग्रीन (विकेटकिपर), डेविड विसे, जेन फ्रेलिंक, जेजे स्मित, जन निकोल लोफ्टीन इटन, रुबेन ट्रम्पलम्यान र बर्नार्ड स्कोल्ट्ज ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]