एजेन्सी – इन्डियन प्रिमियर लिग (आइपिएल) २०२२ को मेगा अक्सन अघि नयाँ दुई टोलीले तीन र अन्य आठ फ्रेन्चाइज टोलीले चार खेलाडी टिममा राख्न (रिटेन) गर्न पाउने भएका छन् । आइपिएल २०२२ देखि १० टोलीले प्रतिस्पर्धा गर्दैछन् । आइपिएल अक्सन अघि सबै फ्रेन्चाइज टोलीले आफ्नो टोलीमा रहने चार र तीन खेलाडीको टुङ्गो लगाउनु पर्नेहुन्छ ।

चार मध्य तीन भारतीय र एक विदेशी खेलाडी राख्न सक्नेछन् । दुई नयाँ फ्रेन्चाइज टोली (अहमदाबाद र लखनउ) ले तीन खेलाडी अनुबन्ध गर्दा दुई भारतीय र एक विदेशी हुनुपर्नेछ । यस पटक फ्रेन्चाइज टोलीले राइट टु म्याच कार्ड (आरटिएम) हुने छैन । नयाँ फ्रेन्चाइज टोलीको रुपमा अहमदाबाद र लखनउ रहेका छन् ।

यसअघि आइपिएलमा एक फ्रेन्चाइज टोलीले पाँच खेलाडी सम्म रिटेन गर्न पाउथें । तर नयाँ टोली थपिएपछि नियम परिवर्तन भएको हो । मेगा अक्सन ३-३ वर्षको अन्तरमा हुनेछ । अन्तिम पटक २०१८ मा मेघा अक्सन भएको थियो । २०२१ मा आइपिएलको मेगा अक्सन हुनुपर्ने थियो । तर कोरोना महामारी र अर्को वर्षदेखि दुई नयाँ टोली थपिने भएपछि २०२१ मा मिनी अक्सन भएको थियो ।

यस सिजनको आइपिएल उपाधि चेन्नई सुपर किंग्सले कोलकाता नाइट राइडर्सलाई २७ रनले हराउँदै चौथो पटक उपाधि जितेको थियो । मुम्बई इन्डियन्सले सर्वाधिक पाँच पटक उपाधि जितेको थियो । कोलकताले दुई पटक उपाधि जितेको छ । राजस्थान रोयल्स, डेस्कन चार्जस र सनराइजर्स हैदराबादले १–१ पटक उपाधि जितेका छन् ।

२०२२ मा चेन्नई, मुम्बई, कोलकता, राजस्थान, दिल्ली क्यापिटल्स, पन्जाब किंग्स, हैदराबाद, लखनउ, अहमदाबाद र रोयल च्यालेन्जर्स बेंगलोर गरि कुल १० टोली हुनेछन् । आइपिएलमा १० टोली हुनेभएपछि नेपाली खेलाडीको सम्भावना पनि बढी रहनेछ ।

सोमबार सम्पन्न ६ घण्टा लामो बोलकबोलपछि आरपी संजिव गोएंका समूह (आरपीएसजी) र सिभिसीले टोली खरिद गरेका थिए । आरपीएसजीले ७ हजार ९० करोड भारतीय रुपैयाँमा लखनउ फ्रेन्चाइज खरिद गर्दा सिभिसीले अहमदाबाद खरिद गर्न ५ हजार ६ सय २५ करोड भारतीय रुपैयाँ खर्चेको थियो । आरपीएसजीले तिरेको मूल्य आइपिएलले राखेको न्युनतम २ हजार करोडभन्दा २ सय ५० प्रतिशत बढी हो । २२ कम्पनिले फ्रेन्चाइज खरिद गर्न इच्छा देखाएपनि ९ कम्पनि अन्तिम बोलकबोलमा उपस्थित थिए ।

यो पनि पढ्नुहोस् : आइपिएलमा लखनउ र अहमदाबादको टोली थपिए