काठमाडौं (हाम्रो खेलकुद) – पारस खड्का नेतृत्वको नेपाली राइनोज क्रिकेट क्लबले अमेरिकामा टु एक्स क्रिकेट युएसए कप उपाधि जितेको छ । आज बिहान भएको फाइनलमा हस्टन स्पाक्र्सलाई ५४ रनले हराउँनै पारसको टोली विजयी भएको हो । मित्सुबिसीको प्रायोजन रहेको प्रतियोगिताको विजेता राइनोजले कारसहित ६० हजार २ सय ५० अमेरिकी डलर पनि प्राप्त गरेको छ । अपराजित राइनोजले प्रतियोगिताका सबै पाँच खेल जितेको थियो ।

फाइनलमा टस हारेर पहिले ब्याटिङ गरेको नेपाली राइनोजले कप्तान पारसको सानदार अर्धशतकसहित निर्धारित २० ओभरमा ६ विकेट गुमाएर १ सय ९७ रन बनाएको थियो । जवाफमा स्पाक्र्स १८.५ ओभरमा १ सय ४३ रनमा अलआउट भयो ।
पहिलो इनिङमा स्पाक्र्सले १ रनको झिनो अग्रता बनाएको थियो । नेपाली राइनोजले १० ओभरमा ३ विकेट गुमाएर ७३ रन जोड्दा स्पाक्र्सले त्यतिनै विकेटमा ७४ रन बटुल्यो । दोस्रो इनिङमा थप ३ विकेट विकेट गुमाउँदै राइनोजले १ सय २४ रन थपेको थियो । १ सय २४ रनको लक्ष्य पछ्याएको स्पाक्र्सले ६९ रन थप्दा सबै विकेट गुमाएको थियो । दोस्रो इनिङमा पारस र शाउन फिडंलेले पाँचौं विकेटका लागि ६५ रनको महत्वपूर्ण साझेदारी गरेपछि नेपाली राइनोजले ठूलो स्कोर खडा गरेको थियो । ३८ बल खेलेका पारसले ८ चौका र ७ छक्का प्रहार गर्दै ७७ रन जोडेका थिए । संयोग उनी ७७ नम्बर जर्सी लगाउछन् । पारसले पहिलो इनिङमा अविजित २३ रन बनाएका थिए । फिडंललेले ६१ रन जोडे ।

त्यसअघि २३ रन बनाउँदा २ विकेट गुमाइसकेको राइनोजलाई ओपन सुवास खकुरेलले पारसले सम्हाल्नेका थिए । उनीहरुले तेस्रो विकेटका लागि ४९ रनको साझेदारी गरेका थिए । लगातार एकरुपताको प्रदर्शन गरेका सुवासले ३ चौकासहित ३२ रन जोडे । अघिल्लो दिन अर्धशतब नाएका ज्ञानेन्द्र मल्ल ४, शदर भेषावकर, पृथु बास्कोटा, सिद्धान्त लोहनी र सोमपाल कामी (अविजित) ले समान २ रन जोडे । स्पाक्र्सका असद अलिले ३, मोहम्मद खादिल, मोहम्मद खलिल र निखिल दत्तले समान १ विकेट लिए ।

स्पाक्र्सका लागि सहजित हसनले ४६, टिम रोय एलनले ४५, पाकिस्तान क्रिकेट टोलकिा पूर्व खेलाडी कमरान अकमलले १९ र खलिलले १० रन जोडे भने अन्य कुनै पनि ब्याट्सम्यानले दोहोरो अंकमा रन जोड्न सकेनन् । राइनोजका लागि फिडंलले ३, पारस, सोमपाल कामी, रुस्टी थेरोनले समान २ विकेट लिए ।